استانادا ورتالىق ازياداعى ەڭبەك كوشى- قونى ماسەلەلەرى تالقىلاندى

شاراعا ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى ءبىرجان نۇرىمبەتوۆ، ب ۇ ۇ- نىڭ ورتا ازيا بويىنشا بوسقىنداردىڭ ىستەرى جونىندەگى جوعارعى كوميسسار باسقارماسىنىڭ ايماقتىق وكىلى بەرنارد دويل، ورتا ازيا بويىنشا كوشى- قون جونىندەگى حالىقارالىق ۇيىمنىڭ ايماقتىق ۇيلەستىرۋشىسى دەيان كەسەروۆيچ (ءارى قاراي - ك ح ۇ)، قىرعىزستاننىڭ ەڭبەك، كوشى- قون جانە جاستار ءمينيسترىنىڭ ورىنباسارى المازبەك اسانبايەۆ، تۇركمەنستاننىڭ مەملەكەتتىك كوشى-قون قىزمەتى باسشىسىنىڭ ورىنباسارى مەردەن گۋردوۆ، سونداي- اق، الماتى پروتسەسىنە قاتىسۋشى مەملەكەتتەردىڭ وكىلدەرى قاتىستى.

ح ك ۇ مالىمەتىنشە، الەمدەگى ءاربىر جەتىنشى ادام بوسقىن بولىپ سانالادى، ونىڭ ىشىندە 214 ميلليون حالىقارالىق جانە 740 ميلليون ىشكى بوسقىن بار. بۇل ءۇردىس ءارى قاراي ءوز جالعاسىن تاپپاق. حالىقارالىق بوسقىندار سانى قازىرگى 214 ميلليون كورسەتكىشتەن 2040 -جىلى 400 ميلليونعا دەيىن كوبەيۋى بولجانىپ وتىر.

ءوز سوزىندە ق ر رەسپۋبليكاسى دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ءبىرجان نۇرىمبەتوۆ الماتى پروتسەسىنە قاتىسۋشى مەملەكەتتەر ەڭبەك كوشى- قون پروبلەمالارى مەن بوسقىنداردى جۇمىسپەن قامتۋ ماسەلەلەرىن شەشۋ كەرەكتىگىن العا تارتتى.

«قازاقستاندا رەتتەلگەن ەڭبەك كوشى- قونىنىڭ نەگىزگى اعىمى قىتاي، تۇركيا، وزبەكستان، سەربيا جانە ءۇندىستان ەلدەرىنىڭ ۇلەسىندە. ۇزاق ۋاقىت بويى رۇقساتنامامەن جۇمىس ىستەيتىن ەڭبەك ميگرانتتارى تۇركيا ەلىنەن كەلەتىن. ولار ەلىمىزدە جۇمىس ىستەيتىن شەتەل ازاماتتارىنىڭ ۇشتەن ءبىر بولىگىن قۇرادى. 2010 -جىلى «باتىس ەۋروپا - باتىس قىتاي» حالىقارالىق ترانزيتتىك كوريدورى قۇرىلىسىنا بايلانىستى قىتاي ەلىمىزدە جۇمىس ىستەيتىن شەتەل ازاماتتارى، سونىمەن قاتار قىتايلىق ينۆەستيتسيالار ارقىلى جۇزەگە اسىرىلاتىن وزگە دە جوبالار بويىنشا ءبىرىنشى ورىنعا شىقتى»، - دەدى ءبىرجان نۇرىمبەتوۆ.

كەزدەسۋ سوڭىندا قاتىسۋشىلار ورتالىق ازياعا رەتتەلمەيتىن ارالاس كوشى-قون جانە ەڭبەك ميگراتسياسىنىڭ سالدارىنان تۋىندايتىن ماسەلەلەردى شەشۋ باعىتىنداعى كوپجاقتى ىنتىماقتاستىقتى ءارى قاراي جالعاستىرۋعا كەلىستى.

ەستەرىڭىزگە سالا كەتەيىك، الماتى پروتسەسى - 2011 -جىلى قازاقستاننىڭ باستاماسىمەن قۇرىلعان تۇراقتى پىكىر الماسۋ الاڭى بولىپ تابىلادى. ونىڭ ماقساتى - ايماقتىق فورماتتاعى جانە جاھاندىق پەرسپەكتيۆاداعى بوسقىندار مەن حالىقارالىق كوشى- قوننىڭ وزەكتى ماسەلەلەرىن بىرلەسە وتىرىپ شەشۋ. ءبىزدىڭ ەلدەن باسقا الماتى پروتسەسىنىڭ تۇراقتى قاتىسۋشىلارى - ازەربايجان، اۋعانستان، قىرعىزستان، تاجىكستان، تۇركيا جانە تۇركمەنستان ەلدەرى. يران مەن پاكىستان باقىلاۋشى مارتەبەسىندە.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى