استانادا مەملەكەتتىك قىزمەتشىلەر اراسىندا قازاق تىلىنەن بايقاۋ ءوتتى
بايقاۋدىڭ ماقساتى - مەملەكەتتىك قىزمەتكەرلەر اراسىندا مەملەكەتتىك ءتىلدىڭ قولدانىس اياسىن كەڭەيتۋ، مەملەكەتتىك مەكەمەلەردە مەملەكەتتىك ءتىلدىڭ بەدەلىن ارتتىرۋ بولىپ تابىلادى. ىرىكتەۋ ناتيجەسىنەن قورىتىندى كەزەڭگە ءتورت مەكەمەنىڭ قىزمەتكەرى جولداما الدى. ءبىرىنشى ورىندى استانا قالاسى ستاتيستيكا دەپارتامەنتىنىڭ، ەكىنشى ورىندى - استانا قالاسى قۇرىلىس باسقارماسىنىڭ، ءۇشىنشى ورىندى مەملەكەتتىك كىرىستەر دەپارتامەنتىنىڭ قىزمەتكەرلەرى الدى. جەڭىمپازدارعا استانا قالاسى اكىمدىگىنىڭ اتىنان باعالى سىيلىقتار مەن ديپلومدار تابىستالدى.
اتالعان شاراعا قازاقستان رەسپۋبليكاسىنىڭ پارلامەنتى ءماجىلىسىنىڭ دەپۋتاتتارى، قالالىق ءماسليحات دەپۋتاتتارى، مەملەكەتتىك مەكەمەلەردىڭ باسشىلارى، زيالى قاۋىم جانە ب ا ق وكىلدەرى قاتىستى.
