شىمكەنتتە اقتاۋداعى جاتتىعۋ كەزىندە سۋعا كەتكەن اسكەريلەردى ەسكە الدى - فوتو

ارنايى كەڭەسكە قورعانىس مينيسترلىگىنىڭ وكىلدەرى، ايماقتىق اسكەري كومانديرلەر مەن وبلىس باسشىلىعى جينالدى. وبلىس باسشىسى بەيبىت اتامقۇلوۆ قازا بولعانداردىڭ وتباسىلارىنا كوڭىل ايتتى. «بۇل وقيعا كوپتەگەن قازاقستاندىقتاردىڭ، اسىرەسە، ءوز ۇلدارىن اسكەرگە بەرگەندەردىڭ كوڭىلىنە قاياۋ سالدى. مەن قازا بولعانداردىڭ وتباسىلارىنا كوڭىل ايتامىن»، - دەدى بەيبىت اتامقۇلوۆ.

ەسكە سالا كەتەيىك، قايعىلى وقيعا 18 -قىركۇيەك كۇنى «سەنتر-2015» جاتتىعۋلارى كەزىندە ورىن العان. تەڭىزگە ب ت ر-80 التى بىرلىگى مەن 52 اسكەري قىزمەتكەر شىقتى. برونەترانسپورتەرلەر تەڭىزبەن 150 مەتردەي قاشىقتىقتان ءوتتى. الايدا قاتتى جەل سالدارىنان تولقىن كوتەرىلىپ، 4 تەحنيكا سۋعا باتىپ كەتتى. ەكى ب ت ر جاعاعا شىقسا، باسقالارى سۋدا قالىپ قويدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى