بوكس: قازاقستان جانە قىرعىزستان دينامو قۇراما كوماندالارى كەزدەسۋىندە جەرلەستەرىمىز ايقىن باسىمدىقپەن جەڭىسكە جەتتى

قازاقستاندىق بىلعارى قولعاپ شەبەرلەرى قارسىلاستارىن 5:1 ەسەبىمەن تىزە بۇكتىردى.

«بۇل ماتچتىق كەزدەسۋ قازاقستاننىڭ «دينامو» دەنە شىنىقتىرۋ جانە سپورت قوعامىنىڭ 90 جىلدىعىنا ارنالدى.

شارشى الاڭعا ءبىزدىڭ ءبىرىنشى قۇراما ەمەس، ءۇشىنشى جانە ءتورتىنشى قۇرامنىڭ بوكسشىلارى شىعارىلدى. ماقسات - تاجىريبە جيناقتاۋ. ولار الماتى قالاسى مەن الماتى وبلىسى جانە وڭتۇستىك قازاقستان وبلىسىنان شىققان 19-24 جاستاعى بوكسشىلار. كەزدەسۋ 52, 56, 60, 64, 75, 81 كەلى سالماق دارەجەلەرى بويىنشا ءوتتى. جىگىتتەرىمىز ايانىپ قالمادى، شەبەرلىك تانىتىپ كەزدەسۋدى 5:1 ەسەبىمەن جەڭىسپەن اياقتادى»، - دەدى ءوز سوزىندە بوكستان قازاقستاننىڭ ەڭبەك سىڭىرگەن جاتتىقتىرۋشىسى، دينامو سپورت قوعامىنىڭ اعا باپكەرى كاكىمجان سادىقوۆ.

ايتا كەتەلىك، مۇنداي كەزدەسۋ قازاقستاندا داستۇرگە اينالعانى بەلگىلى. 2010-جىلى، «دينامو» قوعامىنىڭ 85 جىلدىعىنا وراي ماسكەۋدە قازاقستاننىڭ دينامو قۇراما كومانداسى مەن رەسەيدىڭ دينامو قۇراما كومانداسى اراسىندا كەزدەسۋ وتكەن بولاتىن. وندا قازاقستاندىقتار 5:3 ەسەبىمەن جەڭىسكە جەتتى. سونداي-اق، وسىدان ءبىر اي بۇرىن قازاقستاننىڭ دينامو قۇراما كومانداسى مەن قىتايدىڭ شىڭجاڭ ۇيعىر اۆتونوميالىق اۋدانى قۇراما كوماندالارى اراسىندا وتكەن كەزدەسۋدە دە وتانداستىرامىز قارسىلاستارىن 3:2 ەسەبىمەن جەڭگەن.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى