قۇرامىنا قازاقستان دا ەنەتىن ۇ ق ش ۇ ەلدەرىنەن ادامداردى «يسلام مەملەكەتىنە» تارتاتىن ون مىڭداعان سايت انىقتالدى
بۇل تۋرالى «منەنيا» («ۆەستي.رۋ» تەلەارناسى) باعدارلاماسىندا ۇ ق ش ۇ باس حاتشىسى نيكولاي بورديۋجا مالىمدەدى.
باس حاتشى تاجىكستانداعى تۇراقسىز جاعدايعا توقتالا كەلە، ورتالىق ازياداعى تۇراقتىلىقتى شايقالتۋعا سىرتقى كۇشتەر بارىنشا كۇش سالىپ جاتقاندىعىنا سەنىم ءبىلدىردى.
«اسىرەسە، بۇل «يسلام مەملەكەتى». ولاردىڭ باستى قاعيداتى، باستى باعىتى - ەكسپانيا. ولار مۇنىمەن بەلسەندى اينالىسۋدا. سوندىقتان استىرتىن ارەكەتتەر جۇرگىزىپ، ادامداردى وزدەرىنە تارتۋدا. وسىندا كەلە جاتىپ، جاڭا عانا ەفيردەن سىرتقى ىستەر ءمينيسترىنىڭ ورىنباسارى سميرنوۆ مىرزانىڭ سۇحباتىن كوردىم. ول يگيل- دە، سوعىس قيمىلدارى ايماعىندا 2500 دەن استام رەسەيلىك بار ەكەنىن ايتتى، تاجىكتەر وتە كوپ، قازاقتار مەن قىرعىزدار دا بار دەدى. ياعني ادامداردى وزدەرىنە تارتىپ جاتىر»، - دەپ اتاپ ءوتتى ول.
«ءبىز تاياۋدا ادامداردى تارتۋمەن اينالىساتىن سايتتاردى انىقتاپ، اقپاراتتىق ورتانى باقىلاۋ بويىنشا وپەراتسيانى اياقتادىق. ولار جاڭا ەركىن، گۇلدەنگەن مەملەكەتكە وتباسىن تاستاپ نەمەسە وتباسىمەن بىرگە وزدەرىنە كوشىپ كەلۋگە ۇگىتتەپ، يگيل جاساعىنا تارتىپ، جاستاردى ازعىرۋ ۇستىندە. قولدارىنا قارۋ الىپ، وزدەرىنىڭ تۇسىنىگىندەگى يسلام قۇندىلىقتارى ءۇشىن كۇرەسۋگە شاقىرۋدا»، - دەپ قوستى بورديۋجا.
بۇل رەتتە باس حاتشى بۇل جۇمىس - اسكەري ەمەستىگىن اتاپ ءوتتى. ونى ۇيىم ەلدەرىنىڭ ءتيىستى قۇزىرەتتى قىزمەتتەرى جۇرگىزۋدە.
«بىزدە تەكتىك پەن ۇيلەسىم بار. وسى وپەراتسيالاردى جۇرگىزەمىز. ءبىزدىڭ جەلىگە ەنۋگە تىرىسقان كيبەر وقيعالارعا بايلانىستى ماسەلەلەرمەن اينالىسامىز. ياعني ءبىز، ۇ ق ش ۇ حاتشىلىعى ەمەسپىز. ءبىز - ءوز قىزمەتى بويىنشا وسى باعىتتى جۇرگىزەتىن ەلىمىزدىڭ ماماندارىمىز. ەڭ باستىسى، وسى جۇمىستى ءساتتى قاتاڭ ۇيلەستىرۋگە قول جەتكىزدىك»، - دەپ ءسوزىن تۇيىندەدى ول.
