ءان بايقاۋىنىڭ اقتىق سىنىنا قاتىسۋشىلار انىقتالدى - فوتو
كورەرمەندەردىڭ داۋىس بەرۋى مەن قازىلار القاسىنىڭ ورتاق شەشىمى ارقىلى 8 ونەرپاز فينالعا جولداما الدى. بۇل ءان الامانىن ونەرسۇيەر قاۋىم «حابار» ارناسىنىڭ تىكەلەي ەفيرىنەن تاماشالادى. بۇل كەشتە تالاپكەرلەردىڭ بارلىعى جاڭا ءان ورىنداپ شىقتى.
ەستەرىڭىزدە بولسا، بەلگىلى ونەر شەبەرلەرى جارتىلاي فينالعا قاتىسۋشىلاردى ماۋسىم مەن تامىز ايلارىنىڭ ارالىعىندا ىرىكتەگەن. ءسويتىپ ولار جەكە-جەكە ورەندەردىڭ تالابىن قومداپ، شابىتىن شىڭداۋ ارقىلى بۇگىنگى سايىسقا دايىندادى.
ۇلتتىق ىرىكتەۋ كەزەڭىن ءاليا نازاربايەۆانىڭ «جاندانۋ الەمى» قورى ۇيىمداستىردى. ال باس اقپاراتتىق دەمەۋشى رەتىندە «حابار» اگەنتتىگى قولداۋ كورسەتتى.
Bala Turkvizyon ۇلتتىق ىرىكتەۋ كەزەڭىنىڭ اقتىق سىنى ەرتەڭ ساعات 16.00 دە باستالادى.
ايتا كەتەيىك، ەرتەڭ كورەرمەندەر مەن قازىلار انىقتايتىن ەڭ ۇزدىك ونەرلى ورەن جەلتوقسان ايىندا تۇركيانىڭ ستامبۇل قالاسىندا وتەتىن Bala Turkvizyon بايقاۋىنا قاتىسادى.
