ەۋرازيا كينوفەستيۆالى اياسىندا كينو تۋرالى زاڭنىڭ جاڭا جوباسى تالقىلانادى

مادەني شارانىڭ اشىلۋى قارساڭىندا ق ر مادەنيەت جانە سپورت ءمينيسترى مەن قالا اكىمدىگى باسپا ءسوز كونفەرەنتسياسىن وتكىزدى. مينيسترلىكتىڭ ونەر مەن مادەنيەت دەپارتامەنتى ديرەكتورى اقتوتى رايىمقۇلوۆانىڭ ايتۋىنشا، بيىلعى فەستيۆال اعارتۋشىلىق، مادەنيەت، شىعارماشىلىق تۇرعىسىنان ماڭىزدى ءبىرقاتار ماسەلەلەردىڭ ءتۇيىنىن شەشپەك.

«كينوفەستيۆال اياسىندا ءوزارا سۇحبات، شەبەرلىك كلاستارى وتكىزىلەدى. اتاپ ايتقاندا، ساراپشىلار تاراپىنان كينو تۋرالى زاڭ جوباسى تالقىلانادى. كينەماتوگرافيستەر بۇل ماسەلەنى بۇعان دەيىن بىرنەشە رەت كوتەردى. بىزدەگى «مادەنيەت تۋرالى» زاڭ جوباسىندا كينو ءبولىمى بار. ءبىراق، كينويندۋستريانىڭ قارىشتاپ دامۋىنا بايلانىستى «كينو تۋرالى» جەكە زاڭ جوباسىن قابىلداۋ قاجەتتىگى تۋدى. بۇگىندە «قازاق فيلم» كينوستۋدياسىنىڭ دەپارتامەنتى جانىنان جۇمىس توبى قۇرىلدى. ولار العاشقى جوبامەن تانىسىپ، ءوز تاراپتارىنان ءبىرقاتار وزگەرىستەر ەنگىزدى»، - دەدى ا. رايىمقۇلوۆا.

ايتا كەتەيىك، «ەۋرازيا» كينوفەستيۆالى بيىل «ۇلى جىبەك جولى: باتىس پەن شىعىس مادەنيەتىنىڭ بايلانىسى» ۇرانىمەن ءوتىپ جاتىر.

«ەۋرازيا» حكف بيىل بالالار مەن جاسوسپىرىمدەر جانرىنداعى، دەرەكتى فيلمدەردى، قىسقامەتراجدى فيلمدەردى ۇسىنسا، «شاكەن شوقجۇلدىزى» ورتالىق ازيا ايماعىنداعى كونكۋرستىق باعدارلامانى ۇسىنادى.

بيىل تۇڭعىش رەت فيلمدەردى تاماشالاۋعا كەلگەن كورەرمەندەردىڭ سانى ەسەپتەلەتىن بولادى.

ماراپاتتار «ەڭ ۇزدىك ويناقى فيلم»، «ەڭ ۇزدىك رەجيسسەرلىك جۇمىس»، «ەڭ ۇزدىك ەر ادام ءرولى»، «ەڭ ۇزدىك ايەل ءرولى»، «قازىلار القاسىنىڭ ارنايى سىيلىعى» اتالىمىندا بەرىلەدى.

كينوفەستيۆالدى اقان ساتايەۆتىڭ كانادالىقتارمەن بىرىگىپ تۇسىرگەن «حاكەر» كارتيناسى اشادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى