سۋيتسيدتىڭ الدىن الا الامىز با؟

ياعني ءولىمنىڭ «عالامدىق» كوەففيتسيەنتى 100 مىڭ ادامعا شاققاندا - 10 ادام، ياعني ءاربىر 40 سەكۋندتا ءبىر وسىنداي وقيعا تىركەلەدى. سونداي- اق مامانداردىڭ ايتۋىنشا، سۋيتسيدكە باراتىندار سانى ارتىپ وتىرماسا، ازايىپ جاتقان جوق.

الايدا ادامداردىڭ سۋيتسيدكە بارۋ سەبەبىن زەرتتەپ، ولاردىڭ سانىن انىقتايتىن ورتالىقتار دا جوق. 2003 -جىلدان باستاپ 10 -قىركۇيەك - دۇنيەجۇزى بويىنشا وزىنە-ءوزى قول جۇمساۋدىڭ الدىن الۋ كۇنى بولىپ اتالىپ وتەدى. وسىعان وراي قوعامدىق دەنساۋلىق ساقتاۋ جوعارى مەكتەبى (ق د س ج م) پىكىرتالاس كلۋبىن وتكىزدى.

سوڭعى كەزدەرى ءوز ومىرىنە بالتا شاۋىپ، اجالىنان بۇرىن قوشتاساتىندار جيىلەپ كەتكەن. وعان اسەر ەتۋشى فاكتورلار دا سان قىرلى: ماكروالەۋمەتتىك، وتباسىلىق، جەكە باسىنىڭ پروبلەمالارى، ينتەركاسىبي جانە ت. ب. فاكتورلار اسەر ەتەدى. بۇعان قاتىستى ق د س ج م قوعامدىق دەنساۋلىق جانە الەۋمەتتىك عىلىم كافەدراسى دوتسەنتىنىڭ مىندەتىن اتقارۋشى، مەديتسينا عىلىمدارىنىڭ كانديداتى عاينەل ۇستايەۆا: «سۋيتسيد جاعدايلارىن سەنساتسيا سياقتى جاريا ەتپەي، سول سالانىڭ ماماندارىن جيناپ، زەرتتەۋ جۇرگىزۋ ءۇشىن بۇل اقپاراتتى وسى جۇمىسپەن اينالىساتىندار اراسىندا عانا تالقىلاۋ كەرەك» دەيدى.

نەگىزى، ءبىزدىڭ ەلىمىزدە سۋيتسيدكە بارۋى مۇمكىن دەگەن توپتارعا ونكولوگيالىق اۋرۋعا شالدىققان جاندار، وقۋشىلار، سونىمەن قاتار اسكەردە جۇرگەندەر جاتادى. ماسەلەن، ونكولوگيالىق اۋرۋعا شالدىققان جاندارعا سارى ۋايىمعا سالىنىپ كەتپەسى ءۇشىن پسيحولوگيالىق قولداۋ كورسەتەتىن مامان كەرەك. ەڭ وكىنىشتىسى، بىزدە بۇل ماسەلەمەن تۇراقتى اينالىساتىن ورىن بولماي وتىر.

- سۋيتسيدتى زەرتتەۋ بارىسىندا نەلىكتەن پروبلەمالار كەزدەسەدى؟ ويتكەنى ءبىز قايتىس بولىپ كەتكەن ادامنان نە سەبەپتى وزىنە قول جۇمساعانىن بىلە المايمىز. تەك ونىڭ تانىستارىنان ماسەلەنىڭ ءمان-جايىن سۇراپ، بىلەمىز. الايدا ونىڭ وزىندە ماسەلە بارلىق كەزدە دۇرىس شەشىلە بەرمەيدى، سەبەبى ءبىرىن ايتسا، ءبىرىن جاسىرىپ قالاتىندارى بولادى. سوندىقتان بۇل تۇرعىدا كوبىرەك جۇمىس ىستەۋىمىز كەرەك، - دەيدى عاينەل ۇستايەۆا.

جەتكىنشەك جاستار اراسىنداعى سۋيتسيد بويىنشا قازاقستان ەكىنشى ورىن الىپ تۇر. وسىنداي كەلەڭسىز جاعدايلاردىڭ الدىن الۋ ماقساتىندا وتكىزىلگەن پىكىرتالاس كلۋبىندا قاتىسۋشىلار اراسىندا پسيحولوگيالىق تەست جۇرگىزىلىپ، شاعىن كورىنىس قويىلىپ، پىكىر الماسۋ ءوتتى. پىكىر الاڭىندا سوڭعى كەزدەرى توپتىق سۋيتسيدتەر دە جيىلەپ كەتكەنى ايتىلدى. الايدا ونىڭ دا ناقتى سەبەبى بەلگىسىز. ول دا زەرتتەۋدى قاجەت ەتىپ وتىرعان دۇنيە.

نۇرسۇلۋ مىرزاحمەتوۆا

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى