شىمكەنت قالاسى «اقىلدى قالا» جۇيەسى بويىنشا جۇمىس ىستەۋى مۇمكىن
كەزدەسۋ بارىسىندا ەكى تاراپ وبلىستىڭ ينۆەستيتسيالىق مۇمكىندىكتەرى مەن ءوڭىردىڭ ەكونوميكاسىن دامىتۋ ماقساتىندا تارتىلاتىن كانادالىق ينۆەستيتسيانى تالقىلادى. ايماق باسشىسى وبلىستىڭ اۋىل شارۋاشىلىعى سالاسىندا الەۋەتتىڭ جوعارى ەكەنىن ايتىپ، كانادالىق ەلشىنى ەت، ءسۇت باعىتىنداعى ينۆەستيتسيالىق جوبالاردى سول ەلدىڭ كاسىپكەرلەرىمەن بىرلەسە جۇزەگە اسىرۋعا شاقىردى.
ب. اتامقۇلوۆتىڭ ايرىقشا نازار اۋدارعان ماسەلەسىنىڭ ءبىرى كانادانىڭ حالىققا قىزمەت كورسەتۋ جۇيەسى بولدى. كانادادا مۋنيتسيپاليتەتتىك باسقارۋ ءادىسى ەنگىزىلگەن. سونداي-اق، كانادالىقتار «Smart-City» - «اقىلدى قالا» جۇيەسى بويىنشا جۇمىس ىستەيدى. ەلىمىزدىڭ ءۇشىنشى مەگاپوليسى سانالاتىن شىمكەنت شاھارىن باسقارۋدا بۇل جۇيەنىڭ ءتيىمدى ءتاسىل ەكەنىن ايتقان اكىمگە كانادالىق مەيماندار قولداۋ كورسەتىپ، بولاشاقتا بىرلەسە جۇمىس ىستەۋگە ۋاعدالاستى. سونداي-اق، جيىندا اتالعان ەلدىڭ يرريگاتسيالىق جۇيەسىندەگى ارتىقشىلىقتار، اۋىل شارۋاشىلىعىنداعى اسىلداندىرۋ، ءجۇزىمدى ءوسىرۋ تەحنولوگيالارى، تاۋ-كەن ىسىندەگى جۇمىس ىستەۋ تاسىلدەرى وبلىس جۇرتى ءۇشىن ۇلگى ەكەنى ايتىلدى.
ءوز كەزەگىندە، ەلشى مىرزا ءسوز بولعان بارلىق ماسەلەلەر بويىنشا تاجىريبەسىمەن بولىسۋگە دايىن ەكەنىن ءبىلدىردى. وبلىس باسشىسى وڭىردە مۇنايگاز ماشينا جاساۋ جوبالارىن جۇزەگە اسىرعىسى كەلەتىن شەتەلدىك كومپانيالاردى جانجاقتى قولداۋعا دايىن ەكەنىن جەتكىزدى. ءسوز سوڭىندا ب. اتامقۇلوۆ كانادالىق جاستاردى ەلىمىزگە ساياحاتتاپ كەلۋگە شاقىرىپ، وڭتۇستىك ولكەسىنىڭ گەوگرافياسى تۋرالى سەريال ءتۇسىرۋدى ۇسىندى.
مارتەبەلى مەيمانداردىڭ وڭتۇستىك قازاقستانعا جاساعان ساپارى بارىسىندا ورداباسى اۋدانىنداعى كۇركەتاۋىق ەتىن وڭدەيتىن «ورداباسى قۇس» فابريكاسى، قازىعۇرت اۋدانىنداعى «امانگەلدى» شارۋا قوجالىعىنىڭ ينتەنسيۆتى باۋ-باقشاسى مەن اسىلداندىرۋ ورتالىعى كورسەتىلدى.
