ق ر ق ك اسكەري قىزمەتشىلەرى ا ق ش- تىڭ اسكەري جوعارى وقۋ ورنىندا ءبىلىم الادى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
قازىرگى ۋاقىتتا مۇندا 34 ادام وقىپ ءجۇر. كۋرستار IMED حالىقارالىق ءتىل باعدارلاماسى اياسىندا وتكىزىلەدى جانە التى ايعا ەسەپتەلىنگەن. اعىلشىن ءتىلىنىڭ باستاپقى دەڭگەيلەرىن ءساتتى مەڭگەرگەن تىڭداۋشىلارعا ا ق ش- تا وقۋدى جالعاستىرۋ مۇمكىندىگى بەرىلەدى. تەحاس شتاتىنىڭ تىلدەر اسكەري ينستيتۋتى اسكەري ماماندىقتار بويىنشا ديففەرەنتسيالاۋمەن اعىلشىن ءتىلىن تەرەڭدەتىپ وقىتۋدى ۇسىنادى.
ق ر ق م ءبىلىم جانە عىلىم دەپارتامەنتىنىڭ اقپاراتى بويىنشا ىرىكتەۋ جىلىنا ەكى رەت جۇرگىزىلەدى، ءتىل كۋرستارى اسكەري قىزمەتشىلەرگە، ماسەلەن، ەلدىڭ جاراقتاندىرۋىنا تۇسەتىن اسكەري تەحنيكانى يگەرۋ كەزىندە قاجەت.
وتكەن جىلى IMED باعدارلاماسى بويىنشا وزدەرىنىڭ اعىلشىن ءتىلى بويىنشا ءبىلىمىن 70 كە جۋىق ادام جاقسارتتى. ولاردىڭ ءبىرشاماسى كەيىن شتاتتارعا وقۋعا جىبەرىلدى. ا ق ش- تان باسقا، ءتىل دايىندىعىن جالعاستىرۋ ءۇشىن اسكەري قىزمەتشىلەرگە ۇلى بريتانيا، كانادا، ءۇندىستان، پاكىستان، يسپانيا جانە فرانسيانىڭ وقۋ ورىندارى ۇسىنىلادى.
