قازاقستاندىق ەكى قىلمىسكەر وتانىنا قايتارىلدى
باسپا ءسوز قىزمەتىنىڭ مالىمەتىنشە، بۇگىن، 17 -قىركۇيەكتە باس پروكۋراتۋرانىڭ جانە ىشكى ىستەر مينيسترلىگى ينتەرپولىنىڭ قىزمەتكەرلەرى سىرتقى ىستەر مينيسترلىگىنىڭ قولداۋىمەن ەلىمىزدىڭ ازاماتتارى داۆىد بوتسينيان مەن ايبەك قالبايەۆتى قازاقستانعا الىپ كەلدى.
«ق ر باس پروكۋراتۋراسىنىڭ سۇرانىسىنا سايكەس، فينليانديا رەسپۋبليكاسىنىڭ ادىلەت مينيسترلىگى بيىل 14 -تامىزدا اسا اۋىر قىلمىستار جاساعانى ءۇشىن استانا قالاسى ءى ءى د ىزدەۋىندەگى بوتسينياندى بەرۋ تۋرالى شەشىم قابىلدادى. ول 2009 -جىلى اسا ءىرى مولشەردەگى پسيحوتروپتىق زاتتاردى قازاقستاننىڭ مەملەكەتتىك شەكاراسى ارقىلى زاڭسىز وتكىزگەنى ءۇشىن، سونىمەن قاتار ساتۋ ماقساتىمەن اسا ءىرى مولشەردەگى ەسىرتكى زاتتارىن زاڭسىز ساقتاعانى ءۇشىن ايىپتالۋدا»، - دەلىنگەن باس پروكۋراتۋرانىڭ حابارلاماسىندا.
سونىمەن قاتار، بيىل تامىز ايىندا بەلارۋس رەسپۋبليكاسىنىڭ باس پروكۋراتۋراسى 24 جاستاعى قالبايەۆتى قاراقشىلىق شابۋىل جاساعانى ءۇشىن 2014 -جىلدىڭ 28 -اقپانىندا بەلارۋستىك سوت بەلگىلەگەن جازاسىن ودان ءارى وتەۋ ءۇشىن قازاقستانعا بەرۋ تۋرالى شەشىم قابىلدادى.
جەتكىزىلگەن ازاماتتار استانا قالاسىنىڭ تەرگەۋ يزولياتورىنا قاماۋعا الىندى.
