دۇڭعان جاستارى قىتاي- قازاقستاندىق قاتىناستاردىڭ دامۋىنىڭ ماڭىزدى بولشەگىنە اينالادى - ح. داۋروۆ
«جاڭا جىبەك جولى» حالىقارالىق اكادەمياسىنىڭ پرەزيدەنتى، سونىمەن قاتار «قازاقستانداعى دۇڭعاندار (دۇڭگەن) قاۋىمداستىعىنىڭ» باسشىسى حۋسەي داۋروۆتىڭ سوزىنە قاراعاندا، وتكەن ون جىلدىقتا «قازاقستانداعى دۇڭعاندار قاۋىمداستىعىنىڭ» جەڭىلدىك باعدارلاماسىنىڭ ارقاسىندا شەتەلگە، سونىڭ ىشىندە جەتەكشى قىتاي ج و و- لارىنا مىڭداعان قازاقستاندىق جاس اتتاندى.
«ق ر دۇڭعاندار قاۋىمداستىعى» جىل سايىن قازاقستاندىق جاستاردى قىتايدىڭ جەتەكشى ج و و- لارىنا وقۋعا جىبەرەدى. دۇڭعان مەكتەپتەرىنىڭ ۇزدىك وقۋشىلارى ءۇشىن جىل سايىنعى ق د ق پرەزيدەنتىنىڭ گرانتتارى تاعايىندالدى، - دەدى ول. - قىتاي ءتىلىن مەڭگەرىپ جاتقان دۇڭعان بالالارى بولاشاقتا قىتاي- قازاقستاندىق قاتىناستىڭ دامۋىندا ماڭىزدى بولشەككە اينالادى».
ح. داۋروۆ قاۋىمداستىقتىڭ قولداۋىمەن جامبىل وبلىسى مەن ق ح ر ءشانشي پروۆينتسياسى اراسىندا باۋىرلاستىق قارىم- قاتىناس تۋرالى كەلىسىمگە قول قويىلعانىن اتاپ ءوتتى.
حۋسەي داۋروۆتىڭ سوزىنە قاراعاندا، 80- جىلداردىڭ سوڭىنان بەرى ورتالىق ازيا مەن قىتايداعى، اسىرەسە، ءشانشي پروۆينتسياسىنداعى دۇڭعان اۋىلدارى اراسىندا بايلانىس ورناتىلىپ كەلەدى. ەكونوميكالىق جانە مادەني ىنتىماقتاستىق، ساۋدا بايلانىستارى دامىپ كەلەدى.
«دۇڭعانداردىڭ كوبى ساۋدامەن، اۋىل شارۋاشىلىعىمەن اينالىسادى. قازاقستاندا فابريكالار قۇرىپ جاتىر. ەڭبەكسۇيگىشتىك پەن تاباندىلىعىنىڭ ارقاسىندا ولاردىڭ ءومىر ءسۇرۋ دەڭگەيى جوعارى. جىل سايىن قىتايعا كەم دەگەندە ون رەت بارامىن، بارلىق پروۆينتسياعا بارىپ، ادامدارمەن كەزدەسىپ، ولاردىڭ تاريحىمەن، مادەنيەتىمەن جانە داستۇرلەرىمەن جاقىنىراق تانىسامىن دەپ ۇمىتتەنەمىن. بۇگىندە قىتاي قارقىندى دامىپ كەلەدى. ءبىز تاريحي وتانىمىزدىڭ جەتىستىكتەرى ءۇشىن ريزامىز» ، - دەدى ح. داۋروۆ.
قىتايمەن ءداستۇردى قولداۋ، سونىمەن قاتار مادەني جانە ەكونوميكالىق ىنتىماقتاستىقتى قولداۋ ءۇشىن قازاقستانداعى دۇڭعاندار قاۋىمداستىعى دۇڭعان اۋىلدارىنداعى مەكتەپتەردە كونفۋتسي كۋرستارىن اشۋعا نيەتتى. ونىڭ ارقاسىندا وقۋشىلار الدىندا قىتاي ءتىلى مەن مادەنيەتىن مەڭگەرۋگە جاڭا مۇمكىندىكتەر اشىلادى.
ح. داۋروۆ دۇڭعان قاۋىمداستىعى قازاقستان حالقى اسسامبلەياسىنىڭ بەلسەندى مۇشەسى ەكەنىن اتاپ ءوتتى. قازاقستان ۇكىمەتى ۇلتتىق ءتىلدى، مادەنيەتتى، ءداستۇر مەن جازبانى دامىتۋدا دۇڭعاندارعا ۇلكەن قولداۋ كورسەتەدى. قازاقستاندا جۇرگىزىلەتىن ساياساتتىڭ ارقاسىندا دۇڭعاندار كونە مادەنيەتتى ساقتاپ قالدى.
بۇگىندە ورتالىق ازيادا شامامەن 130 مىڭ دۇڭعان تۇرادى. ولاردىڭ كوبى قازاقستان، قىرعىزستان جانە وزبەكستاندا مەكەندەيدى.
قازاقستان اۋماعىندا شامامەن 50-60 مىڭ دۇڭعان مەكەندەيدى. ولاردىڭ اتا- بابالارى شانشي، گانسۋ جانە نيڭشيا پروۆينتسيالارىندا تۋعان. ولار چيڭ پاتشالىعىنا قارسى شارۋالار كوتەرىلىسىنەن كەيىن قازاقستانعا قاشقان. جامبىل وبلىسىندا 35 مىڭنان استام دۇڭعان تۇرادى، دەپ اتاپ ءوتتى ح. داۋروۆ.
