تاجىكستانداعى بۇلىكشىل گەنەرالدىڭ مەرت بولعانى راستالدى

تاجىكستاننىڭ ءى ءى م مەن مەملەكەتتىك ۇلتتىق قاۋىپسىزدىك كوميتەتىنىڭ مالىمەتتەرىنشە، بۇلىكشىل گەنەرال نازارزودا مەن ونىڭ 11 جاقتاسى راميت اڭعارىندا وتكەن ارنايى اسكەري ءىس- قيمىلدار بارىسىندا بەرىلۋدەن باس تارتقان سوڭ ءولتىرىلدى.

«لاڭكەستەر بوي بەرمەي قارسىلاستى. قوجا حاليم نازارزودانىڭ بانديتتىك توبىنىڭ باسشىسى، قورعانىس ءمينيسترىنىڭ بۇرىنعى ورىنباسارى ەشوني جۋنايدۋللو وماروۆ پەن ونىڭ 10 سىبايلاسى ءولتىرىلدى»، - دەلىنگەن ءى ءى م- ءنىڭ رەسمي حابارلاماسىندا.

بۇعان دەيىن كۇش قۇرىلىمدارى قىزمەتكەرلەرى نازارزودانىڭ قارۋلى جاقتاستارىمەن راميت اڭعارىنداعى قاقتىعىسى كەزىندە «الفا» لاڭكەستىككە قارسى بولىمشەسىنىڭ كومانديرى، پولكوۆنيك رۋستام اماكيەۆتىڭ، سونداي- اق ارنايى تاعايىندالعان ميليتسيا جاساعى مەن «الفانىڭ» ءۇش قىزمەتكەرى قازا بولعانى بەلگىلى بولدى.

تاجىكستان بيلىگى نازارزودا مەن ونىڭ جاقتاستارىن 4-6 - قىركۇيەك كۇندەرى ارالىعىندا كۇش قۇرىلىمدارى وكىلدەرىنە قارسى جاساعان ءبىرقاتار قارۋلى شابۋىلدارى ءۇشىن ايىپتادى. بۇل شابۋىلداردىڭ سالدارىنان 20 دان استام ادام قازا تاپتى. وننان اسا كۇدىكتى ادام ۇستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى