ۇلتتىق بانك تەڭگە باعامىن تۇراقتاندىرۋعا شەشىم قابىلدادى
تەڭگەنىڭ ايىرباستاۋ باعامى ىرگەلى ىشكى جانە سىرتقى ماكروەكونوميكالىق فاكتورلار نەگىزىندە قالىپتاستىرىلعاندىعى بىرنەشە رەت مالىمدەلدى. بۇل رەتتە ۇلتتىق بانك تەڭگەنىڭ ايىرباستاۋ باعامىنىڭ نارىقتىق دەڭگەيىنىڭ قالىپتاسۋىنا ارالاسپايدى، ءبىراق ەلدىڭ قارجى جۇيەسىنىڭ تۇراقتىلىعىن قامتاماسىز ەتۋ قاجەت بولعان جاعدايدا، ۆاليۋتالىق وكتەمدىكتەردى جۇرگىزۋ جولىمەن ىشكى ۆاليۋتا نارىعىنا قاتىسۋعا مۇمكىندىگى بار.
«ۆاليۋتا نارىعىنا قاتىسۋشىلاردىڭ الىپساتارلىق وپەراتسيالارى سەبەپشى بولعان تەڭگەنىڭ ايىرباستاۋ باعامىنىڭ قۇبىلمالىلىعىنىڭ وسۋىنە بايلانىستى، ىرگەلى ماكروەكونوميكالىق فاكتورلاردىڭ وبەكتيۆتى جانە ەلەۋلى وزگەرۋىنىڭ بولماۋى جاعدايىندا قازاقستان رەسپۋبليكاسىنىڭ ۇلتتىق بانكى 16 -قىركۇيەكتەن باستاپ ىشكى ۆاليۋتا نارىعىنداعى احۋالدى تۇراقتاندىرۋ ماقساتىندا ۆاليۋتالىق وكتەمدىك جۇرگىزۋگە شەشىم قابىلدادى. ۇلتتىق بانكتىڭ ۆاليۋتالىق وكتەمدىگىنىڭ كولەمى بيىل 16 -قىركۇيەكتە 144 ميلليون دوللاردى قۇرادى»، - دەپ حابارلادى ۇلتتىق بانكتەگىلەر.
