سىربويىلىق شەبەر وزگەشە زاماناۋي ەدەن جاساۋدا

ول بۇگىندە 3D ەدەن جاساۋعا ماشىقتانىپ، ءتيىمدى كاسىپتىڭ كوزىن تاۋىپ وتىر. رەسەيگە ارنايى بارىپ، قۇيىلمالى قاتتى توسەنىشتىڭ قۇرىلىس تاسىلدەرىن ۇيرەنىپ كەلگەن ەربول قاجەتتى قۇرال- جابدىقتى گەرمانيادان العىزعان. العاشقى تاجىريبەلىك جۇمىسىن ءوز ءۇيىنىڭ دالىزىنەن باستاعان. قازىردە سۇرانىس كۇن ساناپ ارتىپ كەلەدى.

تۇتىنۋشىنىڭ قالاۋىنا سايكەس الۋان ءتۇرلى ويۋ- ورنەك نەمەسە سۋرەتتەر بەدەرلەۋگە بولادى. تەگىس بەتون جابىندى ۇستىنە قۇيىلاتىن ەدەننىڭ جارامدىلىق مەرزىمى 30 جىل. ادام دەنساۋلىعىنا كەرى اسەرى جوعىن راستايتىن سەرتيفيكات تا بار. كاسىپكەرلىكتىڭ قىر-سىرى مەن نارىق زاڭدىلىقتارىنا تەرەڭ ءۇڭىلۋ ءۇشىن جاس شەبەر «بيزنەستىڭ جول كارتاسى - 2020» باعدارلاماسى بويىنشا وقۋ كۋرسىن ءتامامدادى. ەندى «دامۋ» قورىنىڭ «بولاشاق- ستارتاپ» بايقاۋىنا قاتىسۋدا. ەگەر ايى وڭىنان تۋىپ جاتسا، 3 ميلليون تەڭگە قايتارىمسىز گرانتقا يە بولادى. سول مەزەتتە ايماق بويىنشا بالاماسى جوق كاسىپتىڭ كوكجيەگى كەڭەيە تۇسپەك.

ەربول اشىربەك، كاسىپكەر:

- شارشى مەترى شامامەن ەسەپتەگەندە 15 مىڭنان 25 مىڭ تەڭگەگە دەيىن. سەبەبى قىمباتتىلىعى بۇل ماتەريالدىڭ توزىمدىلىگىنە، ەشقانداي بۇزىلمايتىندىعىنا كەپىلدىك بەرەدى. وسى بيزنەسىمدى ورگە دومالاتسام دەگەن ويدامىن.  قىزىلوردا وبلىسىنا عانا توقتاپ قالماي، ءار وبلىستان ءبىر فيليال اشۋعا ۇمىتتەنىپ وتىرمىن.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى