ق ر پرەزيدەنتى: ءبىز قۇلدىراۋ مەن دامۋدى بۇرىن دا باستان كەشىرگەنبىز، بۇعان بايسالدى قاراۋ كەرەك
«ەكسپورتتىق تاۋارلار باعاسىنىڭ قۇلدىراۋى مەن ۆاليۋتا نارىقتارىنداعى تۇراقسىزدىق سالدارىنان ءوزارا ساۋدانىڭ باسەڭدەۋى بايقالۋدا. دەگەنمەن، بۇل رەتتە ءبىزدىڭ ۇكىمەتتەرىمىز تۋىنداعان ماسەلەلەردى شەشۋ ءۇشىن شۇعىل جۇمىس جۇرگىزىپ جاتىر دەپ ەسەپتەيمىن. فورۋم اياسىندا بۇگىن سول ماسەلەلەردىڭ ماڭىزدىلارىن تالقىلاۋعا مۇمكىندىگىمىز بار» ، - دەدى ق ر پرەزيدەنتى ن. نازاربايەۆ.
«ءبىز داعدارىستى، قۇلدىراۋ مەن دامۋدى العاش رەت باستان وتكىزىپ جاتقان جوقپىز. بۇعان سابىرمەن قاراپ، ساۋدا- ساتتىقتى ارتتىرۋدىڭ جاڭا جولدارىن ىزدەۋ كەرەك» ، - دەپ تولىقتىردى ق ر پرەزيدەنتى.
ءوز كەزەگىندە، ر ف پرەزيدەنتى ۆلاديمير پۋتين رەسەي مەن قازاقستان وڭىرلەرى باسشىلارىنىڭ كەزدەسۋلەرى ماڭىزدى ەكەنىن اتاپ ءوتتى.
«بۇل - وسىمەن ون ەكىنشى فورۋم. بيىل ءبىز اۋىل شارۋاشىلىعى سالاسىنداعى ىنتىماقتاستىق پەن ءوزارا ءىس- قيمىل، ازىق- تۇلىك قاۋىپسىزدىگىن قامتاماسىز ەتۋ ماسەلەلەرىن تالقىلاۋ ءۇشىن جينالدىق. سوچيدىڭ وليمپيادادان كەيىنگى وزگەرىستەرىن كوزبەن كورۋ قازاقستاندىق سەرىكتەستەرىمىزدىڭ كوبىسىنە قىزىقتى بولار دەپ ۇمىتتەنەمىن. ءتىپتى، وليمپيادادان كەيىن قالا نىساندارىن قالاي پايدالانىپ جاتقانىمىز دا ماڭىزدى. قازاقستان ازاماتتارى دا سوچيدەن جاسالعان رەپورتاجداردى كورىپ، ءبىزدىڭ وڭتۇسىكتەگى كۋرورتقا قىزىعادى دەپ ويلايمىن» ، - دەدى ۆ. پۋتين.
اۆتور: كەنجەكەي توقتامۇرات قىزى
