وڭتۇستىك قازاقستان وبلىسىنىڭ تۇرعىنى تۇيەقۇس وسىرۋدە

 قازاقستاندا جۇمىرتقا جارىپ شىققان جابايى قۇستار قولعا تەز ۇيرەنە باستاعان. شارۋا «بولاشاقتا ونىڭ سانىن كوبەيتىپ ەتى مەن ءجۇنىن كادەگە جاراتسام»، - دەيدى.

 جىلقى مەن بالىق شارۋاشىلىعىن دا جەتىلدىرىپ، تۋريزمدى دامىتۋ ويى دا بار. ادەتتە دالا توسىندە ەركىندىكتە ءومىر سۇرەتىن تۇيەقۇستار قورشاۋدا جۇرگەنگە دە ۇيرەنگەن. جابايى قۇستاردى ەكى اي بۇرىن الماتىداعى ارنايى تۇقىمباقتان اكەلىپتى. الما مەن جەمىس- جيدەكتەردى ءسۇيىپ جەيدى. باسىن قۇمعا تىعىپ قويىپ، وزىنە تونگەن قاۋىپتى ەلەمەۋگە تىرىساتىن تۇيەقۇستىڭ سالماعى شامامەن 100-150 كەلىگە دەيىن جەتەدى ەكەن.

ەتىنە ءدامحانالاردان سۇرانىس كوپ. ال تەرىسى وتە باعالى.

قىسقى قورالارى قامىسپەن ءبولىنىپ، استىنا قىزىل قۇم توسەلەدى. بۇل قۇستارعا وزدەرىن ەركىن ءارى جابايى تابيعاتتا جۇرگەندەي سەزىنۋىنە مۇمكىندىك بەرەدى، - دەيدى شارۋالار.

مارات جۇنساليەۆ، شارۋا قوجالىعىنىڭ باسقارۋشىسى:

 - بىزگە بۇل قىزىق بولدى. ءبىر شەتىنەن اسىراپ، ءوسىرىپ قالاي بولانىن كورگىمىز كەلدى. ەرەكشەلىگى، ۇلكەن قورشاۋ كەرەك. ولاردىڭ جۇگىرگەنىنە كەمىندە 40 مەتر بولۋ كەرەك. ارى- بەرى جۇگىرۋلەرىنە. كوپ جۇگىرسە تەز وسەدى. ءبىرىنشى ماقساتىمىز -  كوبەيتۋ. ارى قاراي ەتكە، جۇنگە كەتە بەرەدى.

قوجالىق بيىلدان باستاپ بالىق ءوسىرۋدى دە قولعا الماق. ارنايى سۋ باسسەيندەر سالىپ قويعان. قاجەتتى قوندىرعىلار ورناتىلسا بولعانى. جاساندى توعان جاساۋ ويلارىندا بار. سەبەبى باستاۋدىڭ جانىندا ورنالاسىپتى. شاباقتار وسكەن سوڭ سول جەرگە جىبەرىلەدى. دەمالۋشىلارعا قارماق سالۋعا بولادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى