پالەستينا تۋى بىرىككەن ۇلتتار ۇيىمىندا كوتەرىلەدى
بۇل تۋرالى جۋرناليستەرگە پالەستينا مەملەكەتىنىڭ ب ۇ ۇ جانىنداعى تۇراقتى وكىلى رياد مانسۇر مالىمدەدى، دەپ حابارلادى ت ا س س.
ونىڭ ايتۋىنشا، ەكى تۋ تۇعىر - پالەستينا مەن قاسيەتتى تاق ءۇشىن قازىردىڭ وزىندە ب ۇ ۇ كەشەنى اۋماعىنداعى داگ حاممارشەلد اتىنداعى كىتاپحانا عيماراتىنىڭ جانىندا ورناتىلعان.
ب ۇ ۇ باس اسسامبلەياسى 10 - قىركۇيەكتە نيۋ- يوركتەگى ۇلتتار ۇيىمىنىڭ شتاب- پاتەرى اۋماعىندا بۇكىلالەمدىك ۇيىم بايقاۋشى مەملەكەتتەرىنىڭ تۋىن كوتەرۋ جونىندە قارار قابىلداعان بولاتىن. قازىر پالەستينا مەن ۆاتيكان وسىنداي مارتەبەنى يەلەنگەن.
دەگەنمەن، پالەستينانىڭ ب ۇ ۇ تۇراقتى مۇشەسى بولۋى ءالى تۇماندى بولىپ تۇر. ول ءۇشىن قاۋىپسىزدىك كەڭەسىنىڭ ۇسىنباسىن الۋى ءتيىس. قازىرگى كەزدە يزرايلدىڭ باستى وداقتاسى بولىپ وتىرعان جانە قاۋىپسىزدىك كەڭەسىنىڭ كەز كەلگەن شەشىمىنە توسقاۋىل قويۋ قۇقىعىنا يە ا ق ش- تىڭ ۇستانىمىنان ازىرگە وعان قول جەتكىزۋ مۇمكىن بولماي وتىر.
