ورالداعى جاس ونەرتاپقىش تامبوۆتا عىلىمي جوباسىن جەتىلدىرە تۇسپەك

ۋنيۆەرسيتەتتەن اينۇر بازاروۆانىڭ حابارلاعانىنداي، ب. ءسالىموۆ اتالمىش بايقاۋعا «جوعارى جىلدامدىقتى پلانەتارلى ديىرمەندى مەحانواكتيۆاتسيالىق گرافيتپەن مايلاۋ، گرافەندى قۇرىلىم ءتۇزىلۋ ارقىلى پايدالانۋ سيپاتتاماسىن ارتتىرۋ تاسىلدەرى» اتتى عىلىمي ەڭبەگىمەن قاتىستى. جاڭگىر حان اتىنداعى ب ق ا ت ۋ عىلىمي- زەرتتەۋ ينستيتۋتى مەن تامبوۆ مەملەكەتتىك تەحنيكالىق ۋنيۆەرسيتەتىنىڭ بىرلەسكەن جوباسى وتكەن جىل اياعىندا عىلىمي جوبالار دوداسىنا تۇسكەن بولاتىن. كورشىلەس مەملەكەتتەردىڭ ونەرتاپقىشتارى باق سىناعان ايتۋلى سىندا ۇزدىك اتانۋ تىنىمسىز ىزدەنىس پەن قاجىرلى ەڭبەكتى تالاپ ەتكەنى ايدان انىق.

«گرافەن ءوندىرىسى ەلىمىزدە كەنجەلەپ قالعانى جاسىرىن ەمەس. ال الەمگە ءوز ونىمدەرىمەن تانىمال الپاۋىت كومپانيالار گرافەندى پايدالانىپ، تۇرمىس بۇيىمدارىن شىعارا باستادى. تەك تۇرمىستىق زاتتارعا عانا ەمەس، ءارىسى عارىش، بەرىسى ماشينا جاساۋ، مۇناي- گاز، بايلانىس سالالارىندا قولدانىپ جۇرگەن كەيبىر مەتالداردى گرافەنمەن الماستىرۋ ادام ومىرىنە عانا ەمەس، ەل ەكونوميكاسىنا دا وتە ءتيىمدى. اتالعان سالالاردىڭ بار بولشەكتەرى سىرتتان كەلەتىنى جاسىرىن ەمەس. ال ءوز ەلىمىزدە وندىرىلگەن گرافەن ساپاسى تومەن، بۇل ءوندىرىستى جولعا قويساق، قاۋىپسىزدىگى كۇمان كەلتىرەتىن بۇيىمداردان ارىلۋعا مۇمكىندىك بەرەدى ءارى ىشكى نارىق كولەمى دە ارتا تۇسەر ەدى»، - دەدى جاس ونەرتاپقىش باقىتجان نۇرجان ۇلى.

عىلىم گرانتىن يەلەنگەن ماگيستر بيىلعى 10 -قىركۇيەك پەن 10 -جەلتوقسان ارالىعىندا ءۇش اي بويى تامبوۆ مەملەكەتتىك ۋنيۆەرسيتەتىندە پروفەسسور ۆ. ف. پەرشيننىڭ جەتەكشىلىگىمەن ءوز جوباسىن جەتىلدىرە تۇسپەك.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى