الەمدەگى ەڭ ىقپالدى قازاق ايەلى
بۇل تۋرالى news.kz7 كە سىلتەمە جاساپ NUR. KZ حابارلايدى.
الەمنىڭ ەڭ ىقپالدى ايەلدەر ءتىزىمىن ءۇش جىل قاتارىنان گەرمانيا كانسلەرى انگەلا مەركەل باستاپ كەلەدى. 2005 -جىلى ءبىرىنشى ورىندا بولعان ا ق ش- تىڭ مەملەكەتتىك حاتشىسى كوندوليزا رايس بۇگىندە 7 - ورىنعا تۇسكەن. 17 - ورىندا ۋكراينانىڭ پرەمەر- ءمينيسترى يۋليا تيموشەنكو، ال 21 - ورىنعا ءۇندى ۇلتتىق كونگرەسى پارتياسىنىڭ كوشباسشىسى سونيا گاندي تۇراقتاعان.
بۇدان وزگە تىزىمدە 6 پرەزيدەنتتىڭ ەسىمى دە اتالعان. رەيتينگكە ب ا ق- تا ءجيى ەسىمدەرى اتالىپ جۇرگەن قالتالى ايەلدەر عانا كىرەدى.
قازاق ايەلى گۇلجان مولداجانوۆا تىزىمدە 37 - ورىندى يەلەنگەن. ول بۇگىندە رەسەيلىك «بازوۆىي ەلەمەنت» حولدينگىنىڭ باس ديرەكتورى قىزمەتىن اتقارادى.
باتىستىڭ باسىلىمدارى ونى «الەمدەگى ەڭ قالتالى ازاماتتاردىڭ ءبىرى، اليۋميني پاتشاسى ولەگ دەريپاسكيدىڭ وڭ قولى» دەپ اتاپ ءجۇر. الەمدىك تانىمالدىققا يە بولعانىنا قاراماستان، گۇلجان مولداجانوۆانى قازاقستاندا بىلەتىندەر كوپ ەمەس.
Forbes مولداجانوۆانىڭ ءوز مانسابىن حاتشىلىق قىزمەتتەن باستاعانىن جازادى.
«قازاقستاندا دۇنيەگە كەلگەن گۇلجان مولداجانوۆا دەريپاسكيدىڭ كولىككە قوسالقى بولشەكتەر، قۇرىلىس جانە يادرولىق ەنەرگەتيكانى قامتاماسىز ەتەتىن كورپوراتيۆتى جوسپارلارىنا ايتارلىقتاي اسەر ەتەدى» ، - دەپ جازادى Forbes.
گۇلجان 1966 -جىلدىڭ 11 - ماۋسىمىندا الماتىدا دۇنيەگە كەلگەن. ماماندىعى - فيزيك. 27 جاسىندا عىلىم كانديداتى اتانعان گۇلجان ماسكەۋدە عىلىمي جۇمىستارمەن اينالىسا باستايدى.
نەمىس باسىلىمى Handelsblatt 1995-جىلى گۇلجانعا ءوزىنىڭ بۇرىنعى كۋرستاسى ولەگ دەريپاسكەگە جالدانىپ جۇمىس ىستەۋىنە تۋرا كەلگەندىگىن جازعان. 200 جالاقىعا حاتشىلىق قىزمەت ەتكەن گۇلجان ەكى اپتادان كەيىن قارجى ديرەكتورىنىڭ كومەكشىسى بولىپ كوتەرىلەدى.
1990 -جىلدىڭ اياعى مەن 2000 -جىلدىڭ باسى ارالىعىندا مولداجانوۆا ولەگ دەريپاسكيدىڭ كومپانيالارىندا باسشىلىق قىزمەتتەر اتقارادى. 2005 -جىلى ول رەسەيدەگى ەڭ ءىرى قارجىلىق «بازوۆىي ەلەمەنت» كومپانياسىن باسقارادى. بۇگىندە دەريپاسكيدىڭ اليۋميني كومپانياسى الەمدىك نارىقتا ەكىنشى ورىندا تۇر.
گۇلجاندى Forbes تان بولەك امەريكالىق Fortune جۋرنالى دا ەكى رەت الەمنىڭ ەڭ ىقپالدى 50 ايەلىنىڭ تىزىمىنە ەنگىزگەن. ونىڭ ەسىمى Wall Street Journal دا دا كەزدەسەدى.
ال رەسەيلىك «يزۆەستيا» ، «فينانس» جانە «كارەرا» باسىلىمدارى ونى «اليۋميني حانىمى» اتاپ كەتكەن.
گۇلجان ءوز مانسابىن قازاقستاندا جاساۋ مۇمكىن ەمەستىگىن جاسىرمايدى.
"قازاقستاندا مانساپ جاساۋ مۇمكىن ەمەس: ەكونوميكا وزگەشەلەۋ دامىعان، شىعىس ءداستۇرىنىڭ اسەرى كوپ. بىزدە ايەلدىڭ بيزنەستە بولۋىن قابىلداي بەرمەيدى. ال عىلىم قۋالاسا، نازىك جاندىلارعا جول اشىق"، - دەيدى گۇلجان.
