قازاقستاندىق ازامات ءوزىن پايعامبار دەپ مويىنداۋدى تالاپ ەتىپ وتىر
وندا ول اللامەن تىلدەسىپ، پايعامبارلىق دارەجەسىن العانىن، بيلىكتىڭ ونىمەن ساناسىپ، مويىنداۋىن تالاپ ەتىپ وتىر.
ەلۋ ءبىر جاستاعى تۇركىستاندىق ءنۇرالى امىراليەۆ اللا تاعالامەن تىكەلەي تىلدەسكەن ءۇشىنشى پايعامبارمىن، ماعان بۇل ۇكىم جاراتۋشىدان ۋاحي بولدى دەپ ەلگە ءمالىم ەتۋىن قويماي كەلەدى. ونىڭ اكىمگە جازعان حاتى عالامتورعا شىعىپ، ءار وڭىردەن حابارلاسۋشىلار كوبەيگەن. ءبىرى قورقىتىپ- ۇركىتسە، ەندى ءبىرى ولتىرەمىن دەگەن كورىنەدى. ءبىراق وسىعان قاراماستان، ءوزى وسى جولدان استە تايمايمىن دەپ بەكىنىپ وتىر.
ءنۇرالى امىراليەۆ، وقو تۇرعىنى:
- دەمالايىن دەپ تۇرعانىم سول ەدى، قاراپ الدىمنان قۇبلا بەردى، قۇبىلا بەتتەن ءتىل قاتتى: ەي، قۇلىم، سەن ەلشىم بولاسىڭ دەدى. مەن قاتتىم دا قالدىم. مىناۋ، ىبىرايىم، مۇسا پايعامبارلارىمىز سياقتى تىكەلەي تىلدەسكەن ءۇشىنشى پايعامبار بولامىن.
ۇلىنىڭ ارەكەتىن العاشقىدا توقتاتپاق بولعان ونىڭ اناسى مۇحاممەد پايعامبارىمىزدىڭ ءومىر جولدارى تۋرالى كىتاپتى وقىعان سوڭ، ءوزى بىلەدىگە كوشىپتى. وتىرىك ايتسا، اللا جازاسىن بەرەدى دەيدى.
امانكۇل مۇسايەۆا، اناسى:
- بۇل وتىرىك ايتىپ وتىرسا، جازاسىن قۇداي بەرەدى. ەگەر شىنىمەن بۇعان اللا تاعالا كورىنىپ جاتسا، ايتىپ جاتسا، بۇل قۇداي قالاسا، جەڭىپ شىعادى.
ال، تۇركىستانداعى ءنازىر تورەقۇلوۆ مەشىتىنىڭ يمامى ءاليحايدار سەيىتبەك ۇلى قۇران كارىمدە دە، پايعامبار حاديستەرىندە دە مۇحاممەد اقىرعى پايعامبار ەكەندىگى تالقىلاۋعا جاتپايتىن ناقتى ۇكىم. ال، كەز- كەلگەن ادامنىڭ جالعان ات جامىلاتىن جاعدايى بولسا، ونىڭ ۇكىمى ءولىم دەپ ءبىراق كەستى.
ءاليحايدار سەيىتبەك ۇلى، يمام:
- ياعني، كۇنالاردىڭ ىشىندەگى ەڭ ۇلكەنى ەكەندىگىن، زالىمداردىڭ ىشىندەگى ەڭ ۇلكەنى ەكەنىن اللا تاعالام بايانداپ وتىر. جانە اعساپ سۇرەسىندە دە پايعامبارىمىز مۇحاممەد عالەيكيس- ۋاسسالامنان باسقا پايعامبار كەلمەيتىنى باياندالعان.
بيلىك ونىڭ پايعامبارمىن دەگەن مالىمدەمەسى اكىمدىكتە قارالىپ، ءتيىستى جاۋابى بەرىلگەنىن، وندا بارلىق كورسەتۋلەرى قولداۋ تابىلماعانىن ايتادى. ءتىپتى، ونىڭ جۇيكە اۋرۋىمەن ناۋقاس رەتىندە ەمحانادا تىركەۋدە بولۋ مۇمكىندىگىن ايتىپ قالدى.
مالىك داۋلەتوۆ، تۇركىستان قالاسى اكىمىنىڭ باسپا ءسوز حاتشىسى:
- وعان قالا اكىمدىگى تاراپىنان قازاقستان رەسپۋبليكاسى «ءدىني قىزمەت جانە ءدىني بىرلەستىكتەر تۋرالى» زاڭىنىڭ 3-بابىنا سايكەس، تالاپ- تىلەكتەرى قاناعاتتاندىرىلماعاندىعى جونىندە جاۋاپ حات جولدادى.
ال، رەسپۋبليكا اۋماقتارىنان نۇرالىگە ۇيالى ارقىلى حابارلاسقان زامانداستارى كوبىنە ونى سوگىپ جاتقاندىعى، ءتىپتى « ءتۇتىپ- جەۋگە» دايىن ەكەندىگى اڭعارىلادى.
كەلۋشىلەر بولىپ جاتسا، قاسيەتتى قۇران كارىمدى قازاق تىلىندە وقىتۋدى ۇيرەتەمىن دەگەن ءنۇرالىنىڭ جوسپارىنا ازىرگە سەنۋشىلەردەن گورى، ونى شاتاسۋشى دەپ ەسەپتەيتىندەر جاعى باسىم بولىپ تۇر.
31.kz
