قازاقستاندىق اسكەري مىندەتتىلەردى دايارلاۋ قىزۋ جۇرگىزىلۋدە
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
بۇگىنگى تاڭدا وقىپ- ۇيرەنۋگە بۇدان بۇرىن قارۋلى كۇشتەردە اسكەري قىزمەت وتكەرگەن جانە زاپاستاعى وفيتسەرلەر، سەرجانتتار جانە ساربازدار بولىپ تابىلاتىن 1230 ادام كەلدى. بارلىعى 28 - قازانعا دەيىن اسكەري- وقىتىلعان رەزەرۆتىڭ باعدارلامالارى بويىنشا 1500 ادامدى دايىنداۋ جوسپارلانۋدا.
جيىن باعدارلاماسى 2 اپتاعا ەسەپتەلىنگەن. اسكەري مىندەتتىلەر اسكەري قىزمەتشىلەردىڭ باسشىلىق ەتۋىمەن جاۋىنگەرلىك دايارلىق پەن اسكەري ءىستىڭ ەرەكشەلىكتەرىن، قارۋ- جاراق پەن تەحنيكانى يگەرەدى. سونىمەن قاتار تىلدىق جانە تەحنيكالىق قامتاماسىز ەتۋدىڭ جەكەلەگەن اسكەري ماماندىقتارى، رادياتسيالىق، حيميالىق جانە بيولوگيالىق قورعاۋ، تاربيە جانە يدەولوگيالىق جۇمىستار بويىنشا دايىندىق جۇرگىزىلۋدە.
اسكەري مىندەتتىلەرمەن اسكەري جيىندار اسكەري- وقىتىلعان رەزەرۆ سانىنان ازاماتتاردان قاجەت ەتىلەتىن اسكەري دايىندىق دەڭگەيىن ۇستاپ تۇرۋ ءۇشىن ءجيى ۇيىمداستىرىلادى.
ق ر ق ك ب ش ۇيىمداستىرۋ- جۇمىلدىرۋ جۇمىستارى دەپارتامەنتىنىڭ مالىمەتتەرى بويىنشا 2012 - جىلى جيىنعا 5000 اسكەري مىندەتتى تارتىلدى، 2013 -جىلى 8000 ادام وقىپ- ۇيرەنۋدەن ءوتتى.
قاتىسۋشىلاردىڭ 80 پايىزىنىڭ تۇراقتى جۇمىسى بار ەكەنىن اتاپ وتكەن ءجون. سوندىقتان ولاردى جيىنعا تارتا وتىرىپ، ق ر قورعانىس مينيسترلىگى ايلىق ەڭبەكاقىسىنىڭ جارتى بولىگىن تولەيدى.
