الماتىدا «اقىلدى ايالداما» پايدا بولادى
الەۋمەتتىك- يننوۆاتسيالىق جوبانىڭ تۇجىرىمداماسى قاۋىپسىزدىك، قالا ينفراقۇرىلىمى، ءبىلىم جانە الەۋمەتتىك قىزمەتتەر سىندى 4 نەگىزگى پرينتسيپتەن تۇرادى.
«اقىلدى قالا» جوباسىن جاساۋشى اۆتورلار سىرتقى كەلبەتتى، نومىرلىك بەلگىلەردى، كيىم ءتۇرىن جانە باسقالارىن جەدەل انىقتايتىن ۆيدەو- كونتەنتتى سارالاي كەلىپ، جوبانىڭ نەگىزىنە «قاۋىپسىز قالا» جۇيەسىن العان. جاڭا جۇيەنىڭ ارقاسىندا كەز كەلگەن ۋاقىتتا ونلاين- رەجىمدە اقپارات قۇزىرلى ورگاندارعا قولجەتىمدى بولادى.
سونىڭ ارقاسىندا جەدەل باسقارۋ ورتالىعىنا حابار تەز جەتەدى. باعدارلامالىق قامتاماسىز ەتۋ ۆيدەوكامەرالار ارقىلى جۇزەگە اسادى. بۇگىنگى كۇنى نوۋ- حاۋ تەك استانادا، ريودا، ماسكەۋدە عانا ەمەس، الەمنىڭ باسقا مەگاپوليستەرىندە دە جۇمىس ىستەۋدە.
سونداي- اق، «ينتەراكتيۆتى قالا» جوباسى اياسىندا «اقىلدى ايالداما» پايدا بولادى. مۇندا ينتەراكتيۆتى تاقتالار انتيۆاندالدى قورعانىشتار ارقىلى جۇمىس ىستەيدى.
جولاۋشىلار ارنايى تاقتادان اۆتوبۋس باعىتتارىن ءبىلىپ وتىرادى. ايالدامادا ورنالاسقان «ينتەراكتيۆتى كيوسكىلەر» ارقىلى ءتۇرلى تولەمدەردى تولەۋگە بولادى. «دابىلدى نۇكتە» ارقىلى بانك، مەيرامحانا قىزمەتكەرلەرى ءوز جۇمىستارىن قاۋىپسىزدەندىرە الادى.
جوبا اۆتورلارى اتالعان جوبالاردىڭ جۇزەگە اسۋى ءۇشىن ينۆەستورلاردى تارتۋعا بار كۇشىن سالاتىنىن ايتىپ سەندىردى.
شارا سوڭىندا اكىم كاسىپتىك ۆەدومستۆولار باسشىلارىنا قالادا وسى جوبانى ەنگىزۋدىڭ قانشالىقتى پايدالى ەكەندىگىن جەتە زەرتتەۋدى تاپسىردى.
