قىتايعا شەكارا اسپاقشى بولعان قاشقىن قولعا ءتۇستى - شەكارا قىزمەتى
بۇل تۋرالى ق ر ۇ ق ك شەكارا قىزمەتىنىڭ باسپا ءسوز قىزمەتى حابارلادى.
ۇستىمىزدەگى جىلدىڭ 11 - قىركۇيەگىندە ۇيالى تەلەفونمەن كورشىلەس مەملەكەتتە تۇرىپ جاتقان دوسىنا قوڭىراۋ شالعان الدەبىرەۋ - ءوزىنىڭ وسكەمەن قالاسىندا ورنالاسقان كولونيا - تۇراقتان (تۇرمە) قاشىپ شىققاندىعىن ايتادى. بۇدان ءارى ول «جاعدايدىڭ تىم كۇردەلەنىپ كەتكەندىگىن، بۇل جاقتا بۇدان ءارى قالۋدىڭ مۇمكىن ەمەستىگىن، ەكى كۇن ىشىندە شەكارا اسۋدى جوسپارلاپ جۇرگەندىگىن، ءوزىنىڭ تاۋ اراسىن پانالاپ، ۇيالى تەلەفونمەن حابارلاسۋ ءۇشىن بيىك تاۋدىڭ باسىنا شىعىپ سويلەسىپ تۇرعاندىعىن» ايتا كەلىپ، دوسىنان اقشا سالۋدى وتىنگەن.
ءۇشارال شەكارا جاساعىنىڭ شەكاراشىلارى ۇيالى تەلەفوننان قوڭىراۋ شالىنعان الماتى وبلىسىنىڭ سارقان جانە اقسۋ اۋداندارىنىڭ اراسىنداعى تاۋلى اۋماققا قاراي كۇشتەرىن جۇمىلدىردى. شەكاراشىلاردىڭ شەبەر ۇيىمداستىرىلعان كەشەندى ىزدەستىرۋ شارالارىنىڭ ناتيجەسىندە 11 - قىركۇيەك كۇنى كەشكى ساعات 9:40-تا كۇدىكتى، ق ح ر ازاماتى بولىپ تابىلاتىن، 1987 - جىلى تۋعان «د» دەگەن ازامات سارقان اۋدانىنىڭ اقتان اۋىلىنىڭ ماڭىنان ۇستالدى.
