قازاقستاندىق دۇنگەندەر ينچۋاندا قىتاي- اراب ىنتىماقتاستىعىنىڭ فورۋمىنا قاتىسۋدا
قازاقپارات تىلشىسىنە قازاقستاندىق دەلەگاتسيانىڭ قاتىسۋشىسى، «جاڭا جىبەك جولى» حالىقارالىق اكادەمياسى» ق ق پرەزيدەنتى حۋسەي داۋروۆتىڭ ايتۋىنشا، فورۋمعا 80 نەن استام ەلدىڭ وكىلدەرى كەلدى.
«ءداستۇرلى تۇردە وتكىزىلەتىن قىتاي- اراب ەكونوميكالىق سامميتىنە الەمنىڭ اراب ەلدەرىنەن دە، مۇسىلمان ەلدەرىنەن دە دەلەگاتسيالار كەلدى، سونىڭ ىشىندە 128 مينيستر، اراب ەلدەرىنىڭ ءتورت ءبىرىنشى باسشىسى بار. بارلىعى 10 مىڭ قوناق، سونىڭ ىشىندە قىتايدىڭ باسقا دا ايماقتارىنان كەلگەندەر جەتەرلىك. قازاقستاندىق دەلەگاتسيا اۋىل شارۋاشىلىعى، وندىرىستىك يننوۆاتسيالىق پاركىن قۇرۋ، گانسۋ پروۆينتسياسىمەن مال ءوسىرۋ بويىنشا كەلىسىمدەر ورناتۋعا نيەتتى»، - دەدى ول.
قازاقستاندىق جوبالاردىڭ باستاماشىسى - قازاقستان مەن قىتاي اراسىنداعى ىنتىماقتاستىقتىڭ ماڭىزدى بۋىنى بولىپ تابىلاتىن قازاقستان دۇنگەندەرىنىڭ قاۋىمداستىعى، دەپ اتاپ ءوتتى اڭگىمەلەسۋشى.
«قازاقستان اۋماعىندا 50-60 مىڭعا جۋىق دۇنگەن تۇرادى، ولاردىڭ كوبىنىڭ اتا- بابالارى قىتايلىق شەنسي، گانسۋ جانە نينسيا پروۆينتسيالارىنىڭ تۋمالارى. ولار 138 جىل بۇرىن بۇل پروۆينتسيالاردا شينگە قارسى شارۋالار كوتەرىلىسىنىڭ باسىلۋىنان كەيىن وسىندا قاشىپ كەلگەن. جامبىل وبلىسىندا 35 مىڭنان استام دۇنگەندەر تۇرىپ جاتىر»، - دەپ اتاپ ءوتتى ح. داۋروۆ.
«قىتايدىڭ بەس ۇلتتىق اۆتونومدىق اۋداندارىنىڭ ءبىرى بولىپ تابىلاتىن قازىرگى نيڭشيادا 2,5 ميلليوننان استام دۇنگەن (حۋيزۋ) تۇرىپ جاتىر. مۇندا سوڭعى جىلدارى بالامالى ەنەرگەتيكا، اۋىل شارۋاشىلىعى جانە ونەركاسىپ بەلسەندى دامىپ كەلەدى»، - دەپ باياندادى ح. داۋروۆ.
ح. داۋروۆتىڭ ايتۋىنشا، فورۋمنان ءبىر كۇن بۇرىن ينچۋان قالاسىندا نيڭشيا- حۋيزۋ اۆتونومدىق وكرۋگىنىڭ ءتورايىمى، لي حۋەي حانىمنىڭ اتىنان مەرەكەلىك قابىلداۋ وتكىزىلدى. ول نيڭشيا مەن قازاقستان اراسىنداعى ەكونوميكالىق ىنتىماقتاستىقتى رەتكە كەلتىرۋ تىلەگىن ءبىلدىرىپ، قازاقستان دۇنگەندەر قاۋىمداستىعىن بۇل باعىتتا جۇمىس ىستەۋىن سۇرادى، بۇل رەتتە نيڭشيا ۇكىمەتىنىڭ وعان بارىنشا كومەك كورسەتۋگە دايىن ەكەنىن اتاپ ءوتتى»، - دەپ باياندادى ح. داۋروۆ.
