تالدىقورعان اكىمى عارىشكەر ايدىن ايىمبەتوۆتى قالا كۇنىن مەرەكەلەۋگە شاقىردى
تۇتقانىڭ ار جاعىنداعى ادام عارىشتان حابارلاستى.
قالا اكىمى بۇل تۋرالى الەۋمەتتىك جەلىدەگى رەسمي پاراقشاسىندا جازعان.
تالدىقورعان قالاسى اكىمىنىڭ باسپا ءسوز حاتشىسى گ. جۇكەلدىڭ ناقتىلاۋىنشا، تانىمال جەرلەسىمەن اڭگىمەلەسۋ بارىسىندا ەرمەك الپىسوۆ بارلىق تالدىقورعاندىقتاردىڭ عارىشكەر جەرلەسىن ماقتان تۇتاتىنىن ايتتى. ايدىن ايىمبەتوۆ قالانىڭ بارلىق تۇرعىندارىنا ۇلكەن سالەمىن جولداپ، ح ع س- نىڭ يلليۋميناتورىنان جەتىسۋ سۇلۋلىعىنىڭ تاماشا كورىنىسى اشىلىپ وتىرعانىن بايانداپ بەردى. عارىشتاعى ۇيقى كەزىندە دە تۇسىنە جەر كىرەدى ەكەن.
سونداي-اق اڭگىمەلەسۋ بارىسىندا اكىم عارىشكەردى قالا كۇنىن مەرەكەلەۋگە شاقىردى. وعان جاۋاپ رەتىندە ايدىن ايىمبەتوۆ جەرگە ورالعان سوڭ وڭالتۋ كۋرسىنان ءوتۋى ءتيىس ەكەنىن، سودان كەيىن تۋعان ولكەگە جول تارتاتىنىن ايتتى. بۇل رەتتە ول 26 -قىركۇيەكتە قالا كۇنىنە ارنالعان نەگىزگى مەرەكەلىك شارالارعا كەلۋگە تىرىساتىنىن جەتكىزدى.
