اتا- انالاردىڭ شەكتەن تىس قامقورلىعى بالانىڭ ەسەيۋىنە كەرى اسەر ەتەدى
ا ق ش زەرتتەۋشىلەرىنىڭ پىكىرلەرىنشە، اتا- انالاردىڭ بالاسىنا دەگەن شەكتەن تىس ماحابباتى مەن قامقورلىعى ولاردى شەكتەيدى نەمەسە بالا ۇنەمى ءوزىن باقىلاۋدا جۇرگەندەي سەزىنەدى. ونىڭ سالدارى ءوز- وزىنە لايىقتى باعا بەرە الماۋ، ءوزىن-ءوزى قاۋىپتەن اۋلاق ۇستاي الماۋ سياقتى ارەكەتتەگە الىپ كەلەدى. مىسالى بالا ىشىمدىككە ۇيىرسەك بولىپ كەتۋى مۇمكىن، دەپ جازادى azeta.ru.
«ءبىز اتا- انانىڭ زور قامقورلىعىنىڭ ءبىر پايداسى بار دەپ ەسەپتەيتىنبىز، الايدا، ءبىزدىڭ سەنىمىمىز اقتالمادى»، - دەيدى زەرتتەۋ جۇمىستارىنىڭ جەتەكشىسى لارري نەلسون.
عالىمدار تاجىريبە بارىسىندا ستۋدەنتتەردىڭ ءوزىن- ءوزى باعالاۋى، ءبىلىم الۋى، قاۋىپتى ارەكەتتەرگە جاقىن بولۋى سياقتى قاسيەتتەر بويىنشا تالداۋ جاسادى. زەرتتەۋلەر ناتيجەسى شەكتەن تىس قامقورلىقتىڭ اسىرەسە بالالاردىڭ جەتىلە باستاعان كەزىندە، ياعني ەرەسەك بولا باستاعان كەزدە كەرى اسەرلەرى بولۋى مۇمكىندىگىن كورسەتتى.
عالىمداردىڭ پايىمداۋلارىنشا، جاستار نەگىزىنەن ەركىندىكتى ۇناتادى، ولار قانداي دا ءبىر ماسەلە بويىنشا شەشىم قابىلداۋ ءۇشىن ولارعا تاۋەلسىزدىك قاجەت، الايدا بۇل ولارعا قولداۋ مەن قامقورلىق مۇلدەم قاجەت ەمەس دەگەندى بىلدىرمەيدى.
