سايان حاميتجانوۆ «استانا» فۋتبول كلۋبىنىڭ از ۋاقىتتاعى جەتىستىگىنە سەبەپ ءتورت فاكتوردى اتادى

 "استانا" ف ك جەڭىسىنىڭ سىرى نەدە دەسەك، ءبىرقاتار فاكتورلاردى اتاپ وتۋگە بولادى. بىرىنشى فاكتور - فۋتبول كلۋبىنىڭ كۋراتورلارى - ەلوردا اكىمى, "سامۇرىق- قازىنا" ۇلتتىق ءال- اۋقات قورىنىڭ باسشىلىعى بۇل سپورت تۇرىنە كوپ كوڭىل بولەدى. ەكىنشى فاكتور - كوماندانىڭ باس باپكەرى ستانيمير ستويلوۆتىڭ ەڭبەگى. بۇل كىسى جوعارى كلاستى جاتتىقتىرۋشى، ءوز ىسىنىڭ ناعىز شەبەرى, كۇنى- ءتۇنى تەك فۋتبولدى عانا ويلايدى. سوڭعى ەكى جىل بويى ەكى ماۋسىم ىشىندە باس باپكەر كوماندانىڭ ويناۋ ءتاسىلىن، فۋتبولشىلاردىڭ پسيحولوگياسىن تۇبەگەيلى وزگەرتتى. ءۇشىنشى فاكتور - ول ءبىزدىڭ ويىنشىلارىمىزدىڭ ەڭبەگى. مەن ءۇشىن كوماندامىزدىڭ ءار ويىنشىسى قازاقستانداعى ەڭ مىقتى ويىنشى. ءتورتىنشى فاكتور - كلۋبتىڭ اكىمشىلىك شتابىنىڭ جۇمىسى. الاڭعا شىعاتىن كوماندانىڭ ارتىندا تاعى جۇزدەگەن ادام "كوزگە كورىنبەيتىن" جۇمىس اتقارىپ وتىر. مىنە، "استانا" كومانداسىنىڭ از ۋاقىتتاعى جەتىستىگىنىڭ سىرى وسى. تاعى ءبىر فاكتور بار - مەنىڭ ويىمشا، كوماندانىڭ پرەزيدەنتى دە جامان جۇمىس ىستەمەيتىن سياقتى"، - دەپ قالجىڭدادى س. حاميتجانوۆ.

ەستەرىڭىزگە سالا كەتەيىك، "استانا" - ەلوردانىڭ كاسىبي فۋتبول كلۋبى. 2009 -جىلى نەگىزى قالانعان كلۋب پرەزيدەنتتىك كاسىبي سپورت كلۋبىنىڭ قۇرامىنداعى كوماندا. 2014 -جىلعى قازاقستان چەمپيونى.

فوتو: sport.gazeta.kz

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى