ولگەندەر قايتىپ كەلمەيدى
ءبىر ومىردە بولعان وقيعا ايتايىن. اڭگىمە گازەت بەتىندە جاريالانعان. .. .اجەمنىڭ اۋىلىندا اناسىمەن بالاسى تۇرىپتى. جىگىتتىڭ وزگەلەردەن ەرەكشەلىگى، بىرىنشىدەن گارموندا كەرەمەت وينايدى، ەكىنشىدەن لەتارگيالىق ۇيقىعا ءجيى كەتىپ اپتالاپ ءتىپتى ەكى اپتاداي ۇيقتايدى ەكەن. اناسى وسىنى بىلەتىندىكتەن مۇندايدا قاتتى ۋايىمعا سالىنبايتىن. سودان ءبىر كۇنى وسى جىگىت قالعىپ ۇيىقتاعاننان ءۇش اپتا بويى ۇيقتاپ ويانبايدى. سول ءبىر جىلدارى اۋىلدا دارىگەر اتاۋى بولمايتىن. انيا دەگەن اجەيدى ەمشى ساناپ، بارلىعى سودان كەڭەس الاتىن. ءۇش اپتا ۇيقتاعان جىگىت قاتتى ازىپ جۇدەپ، سولىپ قۋارعان ءتۇرىن كورگەن انيا اجەي ونى ولدىگە سانايدى. بارلىعى سوزىنە قۇلاق اسىپ، جىگىتتى قارا جەردىڭ قوينىنا تاپسىرادى. جاقسى كيىندىرىپ، جانىنا گارمونىن قويادى.
تۇندە جىگىتتىڭ قىمبات كوستيۋمىن شەشىپ الۋ ءۇشىن مولانى قازۋدى جوسپارلاعان قاراقشىلار تابىتتىڭ شەگەلەرىن سۋىرا باستاعاندا ىڭىرسي شىققان داۋىستى ەستىپ قاشا جونەلەدى. جىگىتتىڭ ءدال وسى مەزەتتە ويانۋى تاعداردىڭ ىسىمە كىم ءبىلسىن؟ ول تابىتتىڭ قاقپاعىن اشىپ، بوستاندىققا شىعادى. قولىنا گارمونىن الىپ ۇيىنە كەلەدى. ەسىك قاقسا اناسى اشپايدى. ول ءوزىنىڭ ۇلى ەكەنىن ايتىپ قانشا جالىنسادا سەنبەي اشپايدى. اناسى ەلەس مازالاپ كەلىپ تۇر دەگەن ويمەن: «جوعال بۇل ارادان ايتپەسە اتامىن»- دەپ ايقاي سالادى. سول كەزدە ۇلى گارمونمەن اناسى ءسۇيىپ تىڭدايتىن اندەردى ورىندايدى. الايدا كوڭىلى ودان ارمەن جابىرقاعان ايەل ونى اتىپ جىبەرەدى. تاڭەرتەڭ اناسى ەسىكتىڭ الدىندا قانعا بويالىپ جاتقان ۇلىن كورەدى، جانىندا گارمونى جاتىر. سول مەزەتتە ايەلىدىڭ شاشى اعارىپ كەتەدى. ۇلىن قايتادان جەرىلەگەن سوڭ وزىدە بۇل دۇنيەدە تۇراقتامادى. كەشكىسىن ونى ۇلىنىڭ بەيىتىنىڭ جانىندا ءولىپ جاتقان جەرىنەن تابادى.
«الاش ايناسى»
