ن. نازاربايەۆ تەڭگەنىڭ ەركىن باعامىنا تۇسىنىستىكپەن قاراۋعا شاقىردى
«ۆاليۋتا كۋرسى شەتەل ۆاليۋتاسىمەن اينالىساتىندارعا عانا قاتىستى: يمپورتپەن نەمەسە ەكسپورتپەن. ال قازاقستان ىشىندە تەڭگە بولدى جانە سولاي قالا بەرەدى. ونىڭ دوللارمەن باعامى قانشا ەكەندىگىنىڭ قانداي ايىرماشىلىعى بار؟ تاۋار قانشا تەڭگە بولدى، سولاي قالدى ەمەس پە؟ تەك الاياقتىق بولماسا بولعان. مۇنى دا ءتۇسىنۋ قاجەت. ءبىز قازاقستاندا تەڭگەگە ءومىر سۇرەمىز»، - دەدى ن. نازاربايەۆ.
ەلباسىنىڭ اتاپ وتۋىنشە، جاڭا نەسيە- اقشا ساياساتى - بۇل مەملەكەتتىڭ ەكونوميكالىق جاعدايعا دۇرىس رەاكسياسى.
«باعام ەسەبىنەن تاۋار ارزان بولعان كەزدە بارلىعى دا ساتىپ الۋ ءۇشىن رەسەيگە اعىلدى. ساتىپ الدى، ءبىز كۇتتىك. 80 مىڭ اۆتوموبيل اكەلىندى. ال بىزدە ءوزىمىزدىڭ اۆتوموبيل زاۋىتىمىز توقتاپ قالدى. جاسالعان كولىكتەر قويمادا ساقتالا باستادى. اۋىل شارۋاشىلىعى ونىمدەرىن دە سول جاقتان ساتىپ الا باستادى. سوندىقتان دا بۇل مەملەكەتتىڭ ەكونوميكالىق جاعدايعا دۇرىس رەاكسياسى»، - دەدى مەملەكەت باسشىسى.
اۆتور: مارلان جيەمباي
