ماڭعىستاۋدا ەڭ سالاۋاتتى اۋىل، مەكتەپ، بالاباقشا تاڭدالدى - فوتو
ونىڭ قاتىسۋشىلارى مىڭداعان مەملەكەتتىك قىزمەتشىلەر، جاس سپورتشىلار مەن سالاۋاتتى ءومىر سالتىن ۇستاناتىن اۋىلدىقتار بولدى.
فەستيۆال باعدارلاماسى ءبىرقاتار سپورت جارىستارىنان، ۇلتتىق سپورت تۇرلەرى بويىنشا جارىستاردان، فلەشموب، كونسەرتتىك باعدارلامادان تۇردى.
فەستيۆال ۆەلوجارىستان باستالدى. ودان ءارى، وبلىستىڭ دەنساۋلىق ساقتاۋ باسقارماسىنىڭ اتىنان «سالاماتتى قازاقستان» مەملەكەتتىك باعدارلاماسىن ىسكە اسىرۋعا ۇلەس قوسقان مەملەكەتتىك قىزمەتشىلەر ماراپاتتالدى. ال، اۋدان باسشىسى نۇرلان تاجىبايەۆ سالاۋاتتى ءومىر سالتىن ۇستانعان بەلسەندى رەتىندە ماراپاتتالدى.
سونداي- اق، ءوڭىردىڭ سالاۋاتتى ءومىر سالتى ورتالىعى جاريالاعان بايقاۋ جەڭىمپازدارى (مۇنايلى اۋدانىنىڭ ۇيىمدارى، الەۋمەتتىك نىساندارى) جاريالاندى.
فەستيۆال اياسىندا اۋدان تۇرعىندارى جىلجىمالى مەديتسينالىق ورتالىقتىڭ وزىق مەدتەحنيكاسى قىزمەتتەرى مەن مامانداردىڭ كەڭەستەرىن تەگىن پايدالاندى.
فەستيۆال وبلىستىڭ جانە جاڭاوزەن قالاسى ورتالىقتارىندا ۇيىمداستىرىلدى.
