الماتى وبلىسىنا قىتايدان «دوستىق جانە ىنتىماقتاستىق» كەرۋەنى كەلىپ جەتتى - فوتو
كەرۋەنگە قاتىسۋشىلار تاڭ اۋلەتى كەزەڭىنىڭ كيىمىن كيدى، سول زاماننىڭ قارۋلارىن الىپ جۇرگەندىكتەن، كونە زاماننىڭ بەينەسىن كورسەتتى. كەرۋەن حالىقتاردىڭ بايلانىسىن عانا سيپاتتاپ قويماي، سونىمەن بىرگە قازاقستان مەن قىتايدىڭ ىنتىماقتاستىعىن نىعايتۋعا شاقىرادى.
دەلەگاتسيانى كونسەرتتەرمەن قارسى الدى.
شارانىڭ رەسمي بولىمىندە الماتى وبلىسى اكىمىنىڭ ورىنباسارى باحتيار ونەربايەۆ، پانفيلوۆ اۋدانىنىڭ اكىمى بەرداۋلەت ابدۋلايەۆ جانە وزگە دە رەسمي تۇلعالار شانشي پروۆينتسياسىنىڭ وكىلدەرىن قارسى الىپ، دەلەگاتسيا الدىندا ءسوز سويلەدى.
شارانى قازاقستاننىڭ دۇڭگەندەر اسسوتسياتسياسى مەن ق ح ر، شيان «ي- زەفۋتسا» ۇيىمداستىردى.
«شيان- تاراز» دوستىق جانە ىنتىماقتاستىق «قىتاي - قازاقستان: ۇلى جىبەك جولىنىڭ شاي مادەنيەتى» كەرۋەنى چۋندجا، الماتى، قورداي قالالارى ارقىلى ءوتىپ، 2015 -جىلى 8 -قازاندا تارازعا جەتەدى. كەرۋەن باراتىن سوڭعى قالا ۇلى جىبەك جولىندا ۇلكەن ماڭىزعا يە كونە تاراز قالاسى بولماق.
كەرۋەن قازاق حاندىعىنىڭ 550 جىلدىعىن تويلاۋ قارساڭىندا كەلەدى. باعدارلاما اياسىندا ىسكەرلىك كەزدەسۋلەر، دوڭگەلەك ۇستەلدەر، عىلىمي كونفەرەنسيا، كونسەرتتەر وتەدى. تارازدا شاي ءۇيى اشىلادى دەپ جوسپارلانعان.
