قىركۇيەكتىڭ ورتاسىنان باستاپ «ەير استانا» ۇشاقتارى تالدىقورعانعا قوناتىن بولادى
بۇل اقپاراتتى بۇگىن الماتى وبلىسى اكىمىنىڭ ورىنباسارى باحتيار ونەربايەۆ راستادى. ايماق باسشىسى ورىنباسارىنىڭ اتاپ وتۋىنشە، تالدىقورعان اۋەجايىنىڭ ۇشۋ- قونۋ جولاعى جاڭارتىلدى - جولاق 500 مەترگە ۇزارتىلىپ، ەندى 3 شاقىرىمدى قۇرايدى، ەنى 16 مەترگە ۇزارعان.
«جولاۋشىلار مىنگەن ءبىرىنشى ۇشاق تالدىقورعان اۋەجايىندا 4 -قىركۇيەكتە قونۋى ءتيىس. ءبىراق قازىر بۇل داتانى 10 كۇن كەيىنگە شەگەردى. Airbus-تاردىڭ قونۋىن 14 -قىركۇيەكتە كۇتەمىز. ۇشۋ اقىسى 18 مىڭ تەڭگەنىڭ كولەمىندە بولادى»، - دەپ تۇيىندەدى وبلىس اكىمىنىڭ ورىنباسارى باحتيار التاي ۇلى.
ەسكە سالا كەتەيىك، تالدىقورعان اۋە كەڭىستىگىندەگى رەفورمالار الماتى وبلىسىنىڭ اكىمى اماندىق باتالوۆتىڭ باستاماسىمەن باستالعان. بۇدان باسقا، «جەتىسۋاۆيا» اۋە كومپانياسىنىڭ «تالدىقورعان- ءۇشارال» باعىتىنداعى اۋە رەيسىنىڭ اشىلۋى كۇتىلۋدە. ايماق بيلىگى الاكول كولىنىڭ جاعالاۋىندا دەمالعىسى كەلگەن تۋريستەر ءۇشىن كولىكتىك ينفراقۇرىلىمدى وسىلايشا جاقسارتقىسى كەلەدى.
