ب. ساپاربايەۆ: اكىمدىكتەردىڭ مىندەتى - باعالاردىڭ نەگىزسىز وسۋىنە جول بەرمەۋ
باعانىڭ بەلگىلەنۋىنە باقىلاۋ جۇرگىزۋ، جۇمىس ورىندارىن ساقتاۋ جانە جالاقىنى ۋاقتىلى تولەۋ تۋرالى ايتا كەلە، ق ر ۆيتسە- پرەمەرى مەملەكەت باسشىسىنىڭ تاپسىرماسى بويىنشا ۇكىمەت بارلىق الەۋمەتتىك مىندەتتەمەلەردىڭ قامتاماسىز ەتىلۋ بويىنشا كەشەندى شارالاردى قابىلداپ وتىرعانىن اتاپ ءوتتى.
«قازاقستاندا الەۋمەتتىك- ماڭىزدى 33 تاۋاردىڭ ىشىندە تەك قانت پەن شاي شىعارىلمايدى. ونى ءبىز ساتىپ الامىز. قالعاندارىنىڭ بارلىعىن وزدەرىمىز شىعارىپ وتىرمىز جانە ءوز- ءوزىمىزدى قامتاماسىز ەتۋىمىز كەرەك. بۇگىندە بارلىق دۇكەندەردە، قويمالاردا ونىمدەردىڭ ءبىر ايلىق قورى بار. سوندىقتان اكىمدىكتەردىڭ ءبىرىنشى كەزەكتەگى مىندەتى - باعالاردىڭ وسپەۋىن قاداعالاپ وتىرۋ»، - دەدى ب. ساپاربايەۆ.
ق ر ۆيتسە- پرەمەرى جامبىل وبلىسىنىڭ ءوز- ءوزىن قامتاماسىز ەتۋى ءۇشىن قورلارى بار ەكەنىن ايتىپ، ايماقتاعى باعالاردىڭ تۇراقتىلىعى مەن تىنىش الەۋمەتتىك جاعدايدى اتاپ ءوتتى، جەرگىلىكتى بيلىككە «نۇر وتان» پارتياسىنىڭ فيليالدارىمەن بىرلەسىپ ساۋدا نۇكتەلەرىندە ازىق- تۇلىك باعالارىنىڭ مونيتورينگىن جۇرگىزىپ، باعالاردىڭ نەگىزسىز ءوسۋىن قاداعالاپ وتىرۋدى تاپسىردى.
ول سونداي- اق كادرلاردى قىسقارتۋدى جاردەم قاراجات پەن كاسىبي بىلىكتىلىكتى ارتتىرۋدى قاراستىرىپ وتىرعان «جول كارتاسى» ارقىلى بولدىرماۋ مۇمكىندىگىن ايتىپ ءوتتى.
وتىرىس بارىسىندا سونداي- اق ايماقتىڭ 9 - قازاندا قازاق حاندىعىنىڭ 550 جىلدىعىن اتاپ وتۋگە دايىندىعى قاراستىرىلدى.
