س. مۇسايبەكوۆ ۇزدىك موڭعول دزيۋدوشىسىنىڭ قازاقستان اتىنان سىنعا تۇسۋگە ءوزى وتىنگەنىن ايتتى

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە مادەنيەت جانە سپورت ۆيتسە-ءمينيسترى ساكەن مۇسايبەكوۆ ءمالىم ەتتى.

«بۇگىن استانادا دزيۋدودان الەم چەمپيوناتى باستالدى. 24-30 -تامىز ارالىعىندا «الاۋ» سپورت سارايىندا جاڭا الەم چەمپيوندارىنىڭ ەسىمدەر انىقتالماق. ەلىمىزگە وسى جارىسقا قاتىسۋ ءۇشىن 900 گە جۋىق سپورتشى، 144 ەلدىڭ وكىلى، 200 دەن استام شەتەل جۋرناليستەرى جانە حالىقارالىق ۇيىمداردىڭ وكىلدەرى كەلىپ جاتىر. بۇگىن ساعات 16:00 دە چەمپيوناتتىڭ رەسمي اشىلۋى بولادى. قازاقستان بۇل چەمپيوناتى قارسى الۋعا دايىن»، - دەدى ول.

سونىمەن قاتار ول ب ا ق وكىلدەرىنە موڭعولدىق دزيۋدوشىنىڭ قازاقستان اتىنان ونەر كورسەتۋىنە قاتىستى دا تۇسىنىك بەردى.

«موڭعول دزيۋدوشىسى وتگونتسەتسەگ گالبادراحپەن كەلىسسوزدەر وتكەن جىلى ولاردىڭ باستاماسىمەن باستالعان بولاتىن. بۇل قىز الەمنىڭ ۇزدىك دزيۋدوشىلارىنىڭ بەستىگىنە كىرەدى. ول ءوز ەركىمەن قازاقستان اتىنان ونەر كورسەتكىسى، قازاقستان قۇراماسىنىڭ ساپىندا وليمپيادالىق جەتىستىكتەرگە جەتكىسى كەلدى. ياعني، ءوزىنىڭ سپورتشى رەتىندەگى تالانتىن ءبىزدىڭ ەلىمىزدە كورسەتۋگە نيەت تانىتىپ وتىر»، - دەدى ۆيتسە- مينيستر.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى