كورنەكتى اقىن، اعارتۋشى، ويشىل ۇلى ابايدىڭ قازاق ادەبيەتىندە الاتىن ورنى ەرەكشە - گ. كارىموۆا

بۇل تۋرالى بۇگىن وبلىستىق ىشكى ساياسات باسقارماسىنىڭ ۇيىتقى بولۋىمەن كوكشەتاۋداعى ماعجان جۇمابايەۆ اتىنداعى وبلىستىق عىلىمي-امبەباپ كىتاپحاناسىندا وتكەن اباي قۇنانبايەۆتىڭ 170 جىلدىعىنا ارنالعان دوڭگەلەك ۇستەل بارىسىندا ايتىلدى.

شاراعا وبلىستىق ىشكى ساياسات باسقارماسى باسشىسىنىڭ ورىنباسارى گ. كارىموۆا، ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ پوفەسسورى، تاريح عىلىمدارىنىڭ دوكتورى ق. ءابۋوۆ، مادەنيەت قايراتكەرى، جازۋشى ع. تولەعۇل، قوعام قايراتكەرلەرى مەن مادەنيەت سالاسىنىڭ قىزمەتكەرلەرى جانە ستۋدەنتتەر مەن مەكتەپ وقۋشىلارى قاتىستى.

ەسكە سالا كەتسەك، بيىلعى جىلى سەمەي قالاسىنا جۇمىس ساپارىمەن بارعان ەلباسى نۇسۇلتان نازاربايەۆ اباي مۇراجايىندا بولىپ، ۇلى اقىننىڭ ءبىر شۋماق ولەڭىن وقي وتىرىپ: جينالعان جۇرتقا «ءبىز حالىققا ابايدىڭ جولىن، ياعني، وزىنەن كەيىن قالدىرعان باعا جەتپەس مۇرانى جەتكىزۋىمىز كەرەك»، - دەپ اتاپ وتكەن ەدى. ونىڭ ناقىل سوزدەرى بۇگىندەرى دە وزەكتى بولىپ وتىر.

«كورنەكتى اقىن، اعارتۋشى، عۇلاما ويشىل ۇلى ابايدىڭ قازاق ادەبيەتىندە الاتىن ورنى ەرەكشە. بۇل ونىڭ قازاق حالقىنىڭ دانىشپان اقىن، جازۋ ادەبيەتى مەن ادەبي قازاق ءتىلىنىڭ نەگىزىن سالۋشى عانا ەمەس، ريەۆوليۋتسياعا دەيىنگى كەزەڭدەگى قازاق مادەنيەتى تاريحىنداعى ەڭ ءىرى تۇلعا ەكەنىن بىلدىرەدى»، - دەپ اتاپ ءوتتى ءوز سوزىندە گ. كارىموۆا.

 اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى