قازاقستاندىق تەلەەكرانعا بىرەگەي مويناق گيدرو ەلەكترو ستانسى جايلى تۇسىرىلگەن وتباسىلىق كينولەنتا ەفيرگە شىعادى
«جارىق» - كورەرمەندەردى كوپتەگەن ەموتسيالار كۇتەتىن كوڭىلدى وتباسىلىق ساگا. قىزىق سيۋجەتتى حيكايا كەيىپكەرلەرى ءبىر- بىرىنە عاشىق بولىپ، اياق استى اجىراسادى، جاقىندارىن تاۋىپ، ەندى بىردە ىزدەۋ سالىپ جاتادى، بىرگە ءار ءتۇرلى توسقاۋىلداردان قاشىپ جاتادى. «جارىق» وقيعالارى «جوعارى كەرنەۋ ايماعىندا» - بىرەگەي مويناق گ ە س- ءى اينالاسىندا ءوربيتىن بولادى.
«ءسىز گيدروەلەكتروستانسادا بولىپ كوردىڭىز بە؟ مىنە كۇش قايدا جاتىر! مىنە مىنەز قايدا!، - ءتۇسىرىلىمنىڭ پروتسەسىن رەجيسسەر باقتيار سەيىتقازيەۆ وسىلاي سيپاتتايدى. - حيكايا سيۋجەتىنە ارنالعان تاعى ءبىر كەرەمەت سىيلىق - مويناق گ ە س- ءى ورنالاسقان جەر: شارىن وزەنى جانە شارىن شاتقالدارى قازاقستان مارجاندارى بولىپ تابىلادى عوي. بۇل جەرلەرگە 12 ميلليونعا جۋىق جىل بولدى ەمەس پە! ءبىز وسى جەرلەردە جاساعان سۇلۋ دا تابيعي تۇسىرىلىمدەر مەنى سۋرەتشى رەتىندە قاتتى تامساندىرعانى راس».
دراما جانە مەلودراما جانرىندا كينو تۇسىرەتىن قىرعىزستاننىڭ رەجيسسەرى باقتيار سەيىتقازيەۆ - ونەردەگى جولىن ەندى باستاپ كەلە جاتقان جاس مامان ەمەس. ونىڭ قازاقستان كورەرمەندەرىنىڭ شەكسىز قىزىعۋشىلىعىن تۋدىرعان بىرنەشە حيكايالار، قىسقامەتراجدى لەنتالار تۇسىرگەن. «جارىق» كوركەم تەلەحيكاياسىنىڭ ازىرلەۋشىلەرى وسى حيكايا دا «قازاقستان» تەلەارناسىنىڭ كورەرمەندەرىنىڭ كوڭىلىنەن شىعاتىنىنا سەنىمدى.
«جارىق» تەلەحيكاياسى «قازاقستان» تەلەارناسىنىڭ ەفيرىندە 31 - تامىزدا باستالادى. كورەرمەندەردى تولعاندىراتىن ارەكەتتەردەن تۇراتىن 24 ەپيزود كۇتىپ تۇرعانىن ەستەرىڭىزگە سالامىز. سونىمەن بىرگە، «قازاقستان» ر ت ر ك الداعى ماۋسىمدا اۋديتوريانى تاڭعالدىرۋعا جانە تاڭداندىراتىن تاعى دا كوپتەگەن حيكايالار مەن عاجاپ جوبالاردى ازىرلەۋ ۇستىندە.
