ۇلتتىق بانك «اباي» ەسكەرتكىش مونەتالارىن شىعاردى

مونەتالار:

1) 999 سىنامدى التىننان جاسالعان، ماسساسى - 7,78 گرامم، ديامەترى - 21,87 م م، دايىنداۋ ساپاسى - «proof»، تارالىمى - 1 مىڭ دانا؛

2) 925 سىنامدى كۇمىستەن جاسالعان، ماسساسى - 31,1 گرامم، ديامەترى - 38,61 م م، دايىنداۋ ساپاسى - «proof»، تارالىمى - 3 مىڭ دانا؛

3) نەيزيلبەر قوسپاسىنان جاسالعان، ديامەترى - 31 م م، ماسساسى - 11,17 گرامم، تارالىمى - 100 مىڭ دانا.

ەسكە سالا كەتەيىك، قازاقتىڭ اعارتۋشىسى ءارى ويشىلى ابايدىڭ پورترەتى 1993 -جىلعى ۇلگىدەگى 20 تەڭگەلىك بانكنوتتىڭ بەت جاعىندا بەينەلەنگەنىن اتاپ وتەمىز. قازىرگى ۋاقىتتا بانكنوت اينالىستان الىنعان.

ەسكەرتكىش مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.

مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 -جىلعى 25 -قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى - ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.

ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي- اق شوتتارعا، سالىمدارعا، اككرەديتيۆتەرگە ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

«Proof» ساپاسىمەن جاسالعان ەسكەرتكىش مونەتالار كوللەكتسيالىق قۇنى بويىنشا ساتۋعا ارنالعان. ولار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.

نەيزيلبەر قوسپاسىنان جاسالعان ەسكەرتكىش مونەتالاردىڭ ءار ءتۇرىنىڭ التى مىڭ داناسى جاقسارتىلعان ساپامەن دايىندالعان جانە ساتۋ ءۇشىن ارنايى پلاستيكالىق تەرموۆاكۋۋمدى وراۋعا سالىنعان.

ەسكە سالا كەتەيىك، 2015 -جىلى قازاقستان ۇلى اقىن، ويشىل، اعارتۋشى اباي قۇنانباي ۇلىنىڭ تۋعانىنا 170 جىل تولۋىن اتاپ وتۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى