قىتايلىق «رىنمين حۋاباۋ» باسشىسى: «قازاقپارات» - قىتاي حالقىنىڭ قازاقستان تۋرالى اقپارات الاتىن باستى ارناسى
قۇرمەتتى دياروۆ مىرزا!
«قازاقپارات» حالىقارالىق اقپارات اگەنتتىگىنىڭ 95 جىلدىق مەرەيتويىن اتاپ ءوتۋ كۇنىندە ءبىز سىزگە جانە بارلىق قىزمەتكەرلەرىڭىزگە ەڭ ىزگى قۇتتىقتاۋ تىلەكتەرىن ءبىلدىرىپ وتىرمىز.
«قازاقپارات» قازاقستان رەسپۋبليكاسىنىڭ جالعىز حالىقارالىق اقپاراتتىق اگەنتتىگى جانە ورتالىق ازيا ايماعىنداعى ەڭ ءىرى اقپارات اگەنتتىگى بولىپ تابىلادى. ول الەمنىڭ كوپتەگەن ەلدەرى مەن ايماقتارىندا ەڭ كوپ تىلشىلىك قوسىندارعا يە بولىپ، ماڭىزدى اقپارات پەن رەپورتاجداردى ءتۇرلى تىلدەردە تاراتادى.
«قازاقپارات» اگەنتتىگى ورتاازيالىق ب ا ق اراسىندا ءبىرىنشى بولىپ قىتاي تىلىندە نۇسقاسىن اشقان سايت. ءسىزدىڭ سايتىڭىز قىتاي حالقىنىڭ قازاقستان تۋرالى اقپارات الاتىن باستى ارناسى بولدى، ول سونداي-اق ەكى ەلدىڭ اراسىنداعى ءوزارا تۇسىنىستىك پەن ءوزارا الماسۋدى تەرەڭدەتۋدە بەلسەندى ءرول اتقارىپ وتىر.
قىتايدىڭ «رىنمين حۋاباۋ» مەملەكەتتىك جۋرنالىنىڭ 65 جىلدىق تاريحى بار. ءبىز «قازاقپاراتپەن» دوستىق جانە بەلسەندى ىنتىماقتاستىقتىڭ بەرىك نەگىزىن قالادىق.
اگەنتتىكتىڭ قۇرىلۋىنىڭ 95 جىلدىق مەرەيتويىن اتاپ ءوتۋ جىلىندا سىزگە جانە ۇجىمىڭىزعا بۇدان دا زور تابىستارعا قول جەتكىزۋلەرىڭىزگە شىن جۇرەكتەن تىلەكتەسپىز!
سىزدەرمەن بىرگە جىبەك جولىنىڭ ەكونوميكالىق بەلدەۋىن سالۋعا قاتار ءجۇرىپ كومەكتەسىپ، ق ح ر مەن ق ر اراسىنداعى دوستىق پەن ىنتىماقتاستىققا قولدان كەلگەنشە ۇلەس قوسامىز دەپ ۇمىتتەنەمىز.
«رىنمين حۋاباۋ» باسپاسىنىڭ ديرەكتورى.
