س. كۋلاگين: قازاقپاراتتىڭ كونسترۋكتيۆتى ۇستانىمى مەن وبەكتيۆتى كوزقاراسى - باسقا دا بۇقارالىق اقپارات قۇرالدارىنا ۇلگى
قۇرمەتتى « قازاقپارات» اگەنتتىگىنىڭ ۇجىمى!
بايتاق ەلىمىزدىڭ ءجۇرىپ وتكەن تاريحي كەزەڭدەرىنىڭ ايناسى « قازاقپارات» اقپاراتتىق اگەنتتىگىن 95 جىلدىق تورقالى تويىمەن شىن جۇرەكتەن قۇتتىقتايمىن.
حالىقارالىق دارەجەگە يە بولعان العاشقى اقپاراتتىق اگەنتتىك بولىپ تابىلادى.
« قازاقپارات» مەديا- اگەنتتىگى 95 جىل بويىنا ساياسات، ەكونوميكا، ءبىلىم، دەنساۋلىق، سپورت، مادەنيەت قوعامداعى باسىم نەگىزگى باعىتتارىن ناقتى دەرەككوزدەر ارقىلى اقپاراتتاندىرىپ، ەلىمىزدىڭ بەلدى دە، بەدەلدى ۇيىمىنا اينالدى.
بۇگىن اقپارات اگەنتتىگىنىڭ بەتتەرىندە ەلىمىزدىڭ ىشكى، سىرتقى ساياساتى، زامان تالابىنا ساي تۋىنداعان ماسەلەلەردىڭ ناقتى شەشىمدەرى مەن سان قىرلى قوعامدىق ومىردەگى وزگەرىستەرى مەن قۇقىقتىق دەموكراتيالىق جانە ازاماتتىق اشىق قوعامنىڭ بارلىق سالالارى جارىق كورۋدە.
قازاقستان رەسپۋبليكاسىنىڭ بەدەلدى باق كونسترۋكتيۆتى ۇستانىمى مەن وبەكتيۆتى كوزقاراسى باسقادا بۇقارالىق اقپارات قۇرالدارىنا ۇلگى بولماق.
اگەنتتىكتىڭ جۋرناليستيكا سالاسىندا قالىپتاسقان يگى ءداستۇردى جالعاستىرا وتىرىپ، ساپالى كونتەنت ارقىلى جاڭاشىلدىق كوزقاراسپەن، جەتىلدىرىلگەن تەحنولوگيانى قولدانعان كاسىپقوي كوماندانىڭ جۇمىسى ءوز ناتيجەسىن بەرىپ وتىرعانىنا كۋامىز.
سىزدەردىڭ مەديا- رەسۋرستارىڭىزعا ءوزىنىڭ باستى كاپيتالى بولىپ تابىلاتىن مىڭداعان وقىرمانداردىڭ سەنىمى مەن سىيلاستىعىن ارتتىرىپ، ۇجىمداعى قىزمەتكەرلەرىڭىزگە زور دەنساۋلىق پەن ۇلى وتانىمىزدىڭ كوركەيىپ گۇلدەنۋى جولىنداعى ەسەلى ەڭبەكتەرىنە تولاعاي تابىستار مەن شىعارماشىلىق جەتىستىكتەر تىلەيمىن.
قۇرمەتپەن، اقمولا وبلىسىنىڭ اكىمى س. كۋلاگين» ، - دەپ جازىلعان قۇتتىقتاۋدا.
