الەمدىك گران-پري سەرياسىندا ەل نامىسىن نۇرسۇلتان مامايەۆ قورعايتىن بولدى

وليمپيادا مەن الەم چەمپيوناتىنان كەيىنگى ەڭ بەدەلدى جارىستىڭ العاشقى كەزەڭى ماسكەۋ قالاسىندا 14-16 -تامىز ارالىعىندا وتەدى. وكىنىشكە وراي، بۇكىل الەمدىك تاەكۆوندو فەدەراتسياسى (WTF) جاريالاعان تىزىمدە جالعىز عانا قانداسىمىز بولىپ شىقتى. ول 2014 -جىلدىڭ ۇزدىك قازاق تاەكۆوندوشىسى، سوڭعى جىلدارى قازاقستان ۇلتتىق قۇراماسىنىڭ كوشباسشىسىنا اينالا بىلگەن نۇرسۇلتان ماماي.

ەستەرىڭىزگە سالا كەتەيىك، جىل سايىن ءۇش گران-پري سەرياسى، سونداي-اق وسى بايراقتى دودانىڭ فينالى وتكىزىلەدى. بۇل بەدەلدى جارىستا ماڭىزدى رەيتىنگىلىك ۇپاي سانىن جيناپ، الەمدىك تىزىمدەگى ۇزدىك 32 ساڭىلاق قاتارىنا كىرگەن ەڭ تاجىريبەلى سپورتشىلار قاتىسا الادى. نۇرسۇلتان ماماي بۇل تىزىمدە 58 كەلى سالماق دارەجەسىنە دەيىن 23- ورىندا. قانداسىمىز ريو-2016 ويىندارىنا قاتىسۋعا بىردەن-ءبىر ۇمىتكەر. وليمپيادا ليتسەنزيالارى بۇل كەز- كەلگەن فەدەراتسيا مەن كاسىپقوي سپورتشىنىڭ باستى ماقساتى ەكەنى ايدان انىق.

ماسكەۋ قالاسىنا نۇرسۇلتان ماماي پەكين وليمپياداسىنىڭ جۇلدەگەرى، قازاقستان تاەكۆوندو فەدەراتسياسىنىڭ سپورت ديرەكتورى ارمان چيلمانوۆتىڭ جەتەكشىلىگىندە اتتاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى