ورالدا ۇلتتىق سپورت تۇرلەرىنەن جارىس مارەگە جەتتى

جارىسقا ون ەكى اۋداننان 414 سپورتشى قاتىسىپ، توعىزقۇمالاق، قازاق كۇرەسى، اسىق اتۋ، كوكپار، اۋدارىسپاق، جەكپە- جەك، جامبى اتۋ، تەڭگە ءىلۋ، «كەرەمەت سايگۇلىك»، ء«ساندى كيىز ۇيلەر»، بارلىعى 10 ۇلتتىق سپورت تۇرىنەن باق سىنادى.

ەلباسى ن. ءا. نازاربايەۆتىڭ «نۇرلى جول - بولاشاققا بارار جول» جولداۋىن جۇزەگە اسىرۋ باعىتىندا جاستاردى وتانسۇيگىشتىككە تاربيەلەۋ، ۇلتتىق سپورت تۇرلەرىن دامىتۋ، سالاۋاتتى ءومىر سالتىن ناسيحاتتاۋ ماقساتىن كوزدەگەن جارىس قورىتىندىسىندا توعىزقۇمالاق پەن قازاق كۇرەسىنەن سىرىم اۋدانى جەڭىمپاز اتاندى. اسىق اتۋدان جاڭاقالالىقتار الدا بولسا، كوكپار مەن جامبى اتۋدان، تەڭگە ىلۋدەن زەلەنوۆتىقتار ەشكىمگە دەس بەرمەدى. اۋدارىسپاقتان بورلىلىكتەر بارلىعىن اۋدارىپ تاستاسا، جەكپە- جەكتەن قازتالوۆتىقتار ابجىلدىك تانىتتى. «كەرەمەت سايگۇلىكتەن» شىڭعىرلاۋلىقتار، ء«ساندى كيىز ۇيلەردەن» سىرىمدىقتار وزدى.

جالپىكوماندالىق ەسەپتە زەلەنوۆ اۋدانى ۇزدىك شىقسا، ءبورلى - ەكىنشى، قازتالوۆ ءۇشىنشى ورىندى يەلەندى.

باس تورەشى داستان مىرزاعالييەۆتىڭ ايتۋىنشا، جارىس ويداعىداي ءوتتى، جەڭىمپاز- جۇلدەگەرلەر مەدال، ديپلومدارمەن ماراپاتتالدى. ەشقانداي وعاش وقيعا ورىن العان جوق.

وبلىستىق كەزەڭ جەڭىمپازدارى قازان ايىندا  قىزىلوردادا وتەتىن رەسپۋبليكالىق فەستيۆالگە قاتىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى