سەرىك احمەتوۆ جانە ەكس-اكىم باۋىرجان ابدىشيەۆ وزدەرىنە تاعىلعان ايىپپەن كەلىسپەدى

«ماعان تاعىلعان ايىپتاردى تولىق مويىندامايمىن، بۇگىن جانە كەشە ايتىلعان ايىپتاردىڭ بارلىعى ويدان شىعارىلعان جانە فاكتىلەرگە نەگىزدەلمەگەن. مەن جانە قورعاۋشىلارىم سوتقا ءتيىستى دايەكتەمەلەردى كورسەتەمىز. سوت ءۇردىسى ءادىل، وبەكتيۆتى تۇردە وتەتىنىنە سەنىمدىمىن»، - دەدى سوتقا س. احمەتوۆ.

 ب. ابدىشيەۆ تە تاعىلعان ايىپتارعا كەلىسپەي وتىر. «ماعان تاعىلعان ايىپقا نازار اۋدارتقىم كەلەدى. ماعان «ەۋروستاندارت» بويىنشا 7,6 ميلليون تەڭگە كولەمىندە ماتەريالدىق شىعىن كەلتىردى دەپ ايىپتاۋدا. بۇل تەرمين قىلمىستىق ەمەس، ازاماتتىق كودەكستە پايدالانىلادى»، - دەدى ايىپتالۋشى.

 ول سونىمەن قاتار ق ر ق ك 307 -بابى 4 -بولىمىنە سايكەس تاعىلعان ايىپقا قاتىستى مالىمدەمە جاسادى. «ق ر ق ك 307 -بابى 4 -بولىمىنە سايكەس حالىق الدىندا مەملەكەتتىك بيلىكتىڭ بەدەلىن ءتۇسىرۋ كىناسى تاعىلدى. الايدا مۇنداي تەرمينولوگيا نە قىلمىستىق، نە ازاماتتىق كودەكستە جوق»، - دەدى ب. ابدىشيەۆ.

ول سوتتى ادىلدىككە شاقىردى. «تاعىلعان ايىپتارمەن تولىق كەلىسپەيمىن. مەنىڭ باسقارۋشى رەتىندەگى شەشىمدەرىم بۇگىن قىلمىس سياقتى بەرىلىپ وتىر. وسىعان نازار اۋدارۋلارىڭىزدى سۇرايمىن»، - دەپ ءتۇيدى ب. ابدىشيەۆ.

سوت ۇردىسىنە قاتىسقان وزگە ايىپتالۋشىلار دا كەلىسپەۋشىلىكتەرىن ءبىلدىردى.

سوت ءىستى قاراۋعا كىرىستى. العاشقى بولىپ جاپا شەگۋشىلەر مالىمدەمە جاسايدى، كەيىن كۋاگەرلەرگە ساۋالدار قويىلادى. سوڭىنان قىلمىستىق ءىستىڭ ۆيدەوماتەريالدارى قارالىپ، ايىپتالۋشىلارعا سۇراقتار قويىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى