قازاقستاندىق جۇلدىزدار قالاي ارىقتايدى؟

ءتۇرلى ديەتا ۇستاپ، فيتنەسكە، يوگاگا جازىلادى. وسى سەكىلدى وتاندىق جۇلدىزدارىمىز دا ارىقتاۋ ءۇشىن ءتۇرلى ءتاسىلدىڭ كومەگىنە جۇگىنەدى ەكەن. بۇل تۋرالى cosmo.kz-كە بەرگەن سۇقباتتارىندا ايتىپ بەردى. جۇلدىزداردىڭ كەڭەستەرى كادەڭىزگە جاراپ قالار دەگەن نيەتپەن سۇقباتتاردىڭ اۋدارماسىن ۇسىنۋدى ءجون كوردىك.

ليدو

مەنىڭ سالماعىم ءاردايىم 50 ك گ بولاتىن. مۇنى تۇقىمقۋالاۋشىلىقپەن بايلانىستىرامىن. سەبەبى انام دا، اكەم دە ارىق بولعان. مەنىڭ كۇن تارتىبىمدە ۋاقىتىندا تاماقتانۋ سىندى دۇنيەلەر جوق. كەيدە ءتىپتى تاماق ىشۋگە ۋاقىت بولمايتىن كەزدەر بولادى. وسىنداي كەزدە كەشكى ساعات 9 دا ۇيگە كەلىپ، بىردەن توڭازىتقىشقا جۇگىرەمىن. ەڭ باستىسى، ءاردايىم پايدالى تاعامدار جەيمىن. قۋىرىلعان تاعامدار مەن ەتتەن تۇبەگەيلى باس تارتتىم. ەتتىڭ ورنىنا حولەستەرينى از، اقۋىزى كوپ تاۋىقتىڭ جون ەتىن جەيمىن.

 ارۋجان جازىلبەكوۆا
ءتۇسىرىلىم بارىسىندا دۇرىس تاماقتانۋ مۇمكىن ەمەس. ادەتتە بىزگە پيتستسا، تورت اكەلىپ بەرەدى. ەگەر ۋاقىتىندا قاجەتسىز تاعامداردان باس تارتىپ ۇلگەرمەسەم، تەرىم وزگەرەدى. ءوزىمدى جايسىز سەزىنە باستايمىن. سوندىقتان مايلى تاعامداردى كوپ جەمەۋگە تىرىسامىن. ورنىنا كوكونىستەردى كوبىرەك جەپ، سۋ ىشۋگە تىرىسامىن. ۇيىقتار الدىندا مىندەتتى تۇردە ءشوپ شاي قايناتىپ ىشەمىن.

اسەل ساعاتوۆا

سىرت كەلبەتىم سۇلۋ بولۋى ءۇشىن ۇندى تاعامدار مەن تاتتىلەردەن باس تارتامىن. مەنىڭ ەڭ باستى ەرەجەم - ۇيىقتار الدىندا تاماق جەمەۋ جانە سۋدى كوپ ءىشۋ. نەگىزىنەن ىستىق سورپانى، بالىقتان جاسالعان تاعامداردى، كوكونىستەردەن دايىندالعان سالاتتاردى جاقسى كورەمىن. مۇنىمەن قاتار، جەمىس- جيدەك پەن جاڭعاقتى جاقسى جەيمىن.

دينارا باقتىبايەۆا

ارىقتاۋعا ارنالعان ديەتالار تۋرالى ويلاپ كورمەپپىن. ادەتتە تەك سەمىرۋگە ارنالعان ديەتالاردىڭ كومەگىنە جۇگىنەمىن. بويىم 168 س م بولسا دا، سالماعىم 48 ك گ. قۇربىلارىم قالجىڭداپ «جالماۋىز كەمپىر» دەپ اتايدى. مەنىڭ سەمىرۋىم تاڭعاجايىپ قۇبىلىس بولاتىن شىعار. سەمىرۋ ءۇشىن دە توزىمدىلىك قاجەت. دۇرىس تاماقتانۋدان وزگە سپورتپەن اينالىسۋ كەرەك. مۇنى كەلەسى جىلى مىندەتتى تۇردە قولعا الامىن. ءوزىڭدى جايسىز سەزىنسەڭ، ءبارىبىر دەپ جۇرە بەرۋگە بولمايدى.

اسەم

  كامەرا ادامدى تولىق ەتىپ كورسەتەتىندىكتەن، سىمباتىم ءاردايىم ءمىنسىز بولۋى كەرەك. بوس ۋاقىتىم بولماي، تىعىز شارۋالارمەن ءجۇرۋدى ۇناتامىن. مەنىڭشە، بۇل ديەتالارعا قاراعاندا الدەقايدا پايدالى. مەن 15 جاستا بولعان كەزدە انام ەكەۋىمىز 2 كۇن بويى اش جۇردىك. بارلىعى ويداعىداي ءوتتى. اعزامىز تولىقتاي تازاردى. ءبىراق مۇنىڭ بارلىعىن دارىگەرلەردىڭ كومەگىمەن جۇزەگە اسىردىق. قۇربىلاردىڭ سوزىنە نەمەسە ديەتالارعا سەنۋگە بولمايدى. مۇندايدا، ەڭ الدىمەن، دارىگەردىڭ كومەگىنە جۇگىنۋ كەرەك.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى