قىتاي اقپارات اگەنتتىگى: «قازاقپارات» - ورتالىق ازيا ەلدەرى اراسىندا قىتاي تىلىندەگى نۇسقاسىن اشقان تۇڭعىش ب ا ق
«اگەنتتىكتەرىڭىز قۇرىلعاننان بەرى قازاقستاننىڭ ءتۇرلى سالالارىنان جوعارى كاسىبي دەڭگەيدە، تەز ءارى شىنايى جاڭالىقتاردى جاھانعا تاراتىپ كەلەسىزدەر. قىتاي مەن قازاقستان 1992-جىلى ديپلوماتيالىق قارىم-قاتىناس ورناتقالى بەرى ەكى ەلدىڭ ىنتىماقتاستىعى قارقىندى دامۋ ۇستىندە، مەملەكەت باسشىلارى ءجيى كەزدەسىپ تۇرادى، ساياسي تۇسىنىستىك نىعايۋدا، كوپتەگەن ناقتى ناتيجەلەرگە قول جەتكىزىلدى.
قازىرگى تاڭدا، ق ح ر مەن قازاقستان قارىم-قاتىناسى جان-جاقتى ستراتەگيالىق دەڭگەيگە دەيىن كوتەرىلدى جانە مەملەكەتتەر اراسىنداعى شىنايى دوستاستىق پەن ىنتىماقتاستىقتىڭ ناعىز ۇلگىسىنە اينالدى.
«قازاقپارات» ورتالىق ازيا ەلدەرى اراسىندا قىتاي تىلىندەگى نۇسقاسىن اشقان تۇڭعىش ب ا ق رەتىندە ەكى ەل اراسىنداعى بايلانىستى نىعايتۋعا ەرەكشە ۇلەس قوسقانىن اتاپ ءوتۋ قاجەت. ءبىز «قازاقپاراتقا» قىتاي-قازاقستان اراسىنداعى ىنتىماقتاستىقتى ودان ءارى دامىتۋعا، بيىك بەلەستەردەن كورىنە بەرۋىنە شىن جۇرەكتەن تىلەكتەسپىز!» - دەلىنگەن قۇتتىقتاۋ حاتتا.
