قازاقپارات اگەنتتىگى - قىتاي مەن قازاقستان حالىقتارى اراسىنداعى دوستىقتى نىعايتاتىن التىن كوپىر - «شينحۋا» پورتالىنىڭ باس ديرەكتورى

قۇرمەتتى «قازاقپارات» ح ا ا باس ديرەكتورى داۋرەن دياروۆ مىرزا!

قۇرمەتتى ارىپتەستەر!

«قازاقپاراتتىڭ» 95 جىلدىعىنا وراي مەن «شينحۋا» پورتالى اتىنان جانە جەكە ءوز اتىمنان سىزگە جانە بۇكىل «قازاقپارات» ۇجىمىنا شىنايى قۇتتىقتاۋ لەبىزىمدى بىلدىرەمىن!

قازاقستانداعى حالىقارالىق دارەجەگە يە بولعان العاشقى اقپاراتتىق اگەنتتىك رەتىندە «قازاقپارات» ءاردايىم الەمنىڭ ءار ەلىنە قازاقستاندى تانىتۋعا زور ۇلەس قوسىپ كەلەدى. «قازاقپارات» اگەنتتىگى - ق ح ر مەن قازاقستان حالىقتارى اراسىنداعى دوستاستىقتى نىعايتاتىن، ەكى ەلدى ءوزارا بايلانىستىراتىن التىن كوپىر.

قازىرگى ۋاقىتتا، «ءبىر بەلدەۋ، ءبىر جول» باستاماسىنىڭ جەتەكشىلىگىمەن، ەكى ەل اراسىنداعى ساياسي، ەكونوميكالىق، مادەني سالالارداعى ىنتىماقتاستىق بارىنشا نىعايۋدا.

2014-جىلدىڭ ناۋرىز ايىندا «قازاقپارات» اگەنتتىگىنىڭ قىتاي تىلىندەگى نۇسقاسىنىڭ ىسكە قوسىلۋى - ەكى ەل اراسىنداعى اقپارات الماسۋدا جاڭا كەزەڭ باستالعانىنىڭ بەلگىسى.

وتكەن جىلدىڭ مامىر ايىندا، قازاقستان پرەزيدەنتى نۇرسۇلتان نازاربايەۆ «شينحۋا» جاڭالىقتار پورتالىندا قىتايلىق عالامتور پايدالانۋشىلارمەن ونلاين-سۇحبات وتكىزگەن بولاتىن. سۇحبات قىتاي جانە شەتەل وقىرماندارى اراسىندا ۇلكەن قىزىعۋشىلىق تۋدىردى. پرەزيدەنت مىرزانىڭ ساليقالى ءارى ۇتقىر جاۋاپتارىنان مەن ۇلكەن اسەر الدىم. وسى سۇحبات ەكى ەل ب ا ق سالاسىنىڭ نىعايا تۇسۋىنە نەگىز قالادى.

سول جىلى شىلدەدە «قازاقپارات» ح ا ا باس ديرەكتورىنىڭ ورىنباسارى قالامقاس ءابۋوۆا جۇمىس ساپارىمەن بىزگە كەلىپ، «شينحۋا» پورتالى مەن «قازاقپارات» تىعىز ىنتىماقتاستىق ورناتۋ، ەكى ەل اراسىنداعى ءوزارا تۇسىنىستىكتى نىعايتۋ تۋرالى ورتاق ۋاعدالاستىققا كەلدى.

«شينحۋا» پورتالى قىتايداعى ەڭ ىقپالدى ب ا ق رەتىندە «قازاقپارات» اگەنتتىگىمەن بىرگە ەكىجاقتى دوستىق قارىم-قاتىناستاردى دامىتۋعا، ەكى ەل دوستاستىعىنىڭ نىعايۋىنا ۇلەس قوسۋعا دايىن.

«قازاقپارات» حالىقارالىق اقپاراتتىق اگەنتتىگىنىڭ بيىك بەلەستەردى باعىندىرا بەرۋىنە، ەكى ەلدىڭ بۇقارالىق اقپارات قۇرالدارىنىڭ ىنتىماقتاستىعىن، سونىمەن قاتار قىتاي مەن قازاقستاننىڭ دوستاستىعىن ودان ءارى نىعايتا تۇسۋىنە شىن جۇرەكتەن تىلەكتەسپىن.

«شينحۋا» پورتالىنىڭ باس ديرەكتورى

تيان شۋ بين

2015- جىلى 13- تامىز

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى