بوكس: گولوۆكين مەن لەمە ءۇش قالادا الداعى جەكپە-جەك تۋرالى باسپا ءسوز تۋرلارىن وتكىزەدى

گولوۆكين مەن لەمە قاتىساتىن باسپا ءسوز تۋرى 18- تامىزدا نيۋ-يوركتە باستالىپ، 19- تامىزدا كانادالىق كۆەبەك قالاسىندا جالعاسادى. 20- تامىز كۇنى لوس-اندجەلەستە سوڭعى تۋر وتەدى.

ەسكە سالا كەتەيىك، 33 جاستاعى قازاقستاندىق گەننادي گولوۆكين كەلەسى جەكپە-جەگىن 17- قازاندا نيۋ-يوركتە (ا ق ش) وتكىزەدى. ونىڭ قارسىلاسى وسى سالماقتاعى IBF نۇسقاسى بويىنشا الەم چەمپيونى 26 جاستاعى كانادالىق داۆيد لەمە بولادى.

گولوۆكين مەن لەمە جەكپە-جەگىنىڭ بيلەتتەرى 12- تامىزدان باستاپ ساتىلۋدا. قۇنى $500, $300, $200, $100 جانە $50 بولاتىن بيلەتتەردى Ticketmaster.com سايتى ارقىلى نەمەسە Madison Square Garden كاسسالارىنان الۋعا بولادى.

«قازاقستان» ۇلتتىق تەلەارناسى گەننادي گولوۆكين مەن داۆيد لەمە اراسىنداعى جەكپە-جەكتى تىكەلەي ەفيردە كورسەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى