قازاقستانداعى «قازاقپارات» ەڭ ماڭىزدى اقپارات اگەنتتىگى بولىپ سانالادى - شياڭگاڭ گازەتى
قۇرمەتتى «قازاقپارات» ح ا ا باس ديرەكتورى داۋرەن دياروۆ مىرزا!
«قازاقپاراتتىڭ» 95 جىلدىعىنا وراي مەن گونكونگتىڭ «Wen Wei Po» گازەتى اتىنان جانە جەكە ءوز باسىمنىڭ اتىنان سىزگە جانە بۇكىل «قازاقپارات» ۇجىمىنا شىنايى قۇتتىقتاۋ لەبىزىمدى بىلدىرەمىن، سىزدەرگە مول شىعارماشىلىق تابىس تىلەيمىن!
1920-جىلى قۇرىلعان «قازاقپارات» قازاقستانداعى ەڭ ماڭىزدى اقپارات اگەنتتىگى بولىپ سانالادى. 95 جىلدان بەرى ساياسات، ەكونوميكا، ءبىلىم بەرۋ، دەنساۋلىق ساقتاۋ، سپورت، مادەنيەت جانە قوعامنىڭ وزگە دە تىنىس تىرشىلىگى تۋرالى جەدەل ءارى سەنىمدى اقپارات تاراتىپ كەلەدى.
2014-جىلدىڭ ناۋرىز ايىندا «قازاقپارات» ورتا ازيا ب ا ق- تارى اراسىندا تۇڭعىش بولىپ قىتاي تىلىندەگى سايت نۇسقاسىن اشتى، بۇل ق ح ر حالقىنا عانا ەمەس، بۇكىل الەمدەگى قىتاي ءتىلدى وقىرماندار ءۇشىن قازاقستاندى تانىپ-بىلۋگە ۇلكەن مۇمكىندىك بولدى. بۇل قىتاي مەن قازاق ەلى اراسىنداعى دوستاستىعىن ودان ءارى دامىتا تۇسۋگە سەپتىگىن تيگىزدى.
2014-جىلى تامىز ايىندا ەكىجاقتى بەلسەندى جۇمىستىڭ ناتيجەسىندە «Wen Wei Po» گازەتى مەن «قازاقپارات» اراسىندا ستراتەگيالىق ىنتىماقتاستىق تۋرالى كەلىسىمگە قول قويىلىپ، جىبەك جولى بويىنداعى ب ا ق اراسىنداعى ىقپالداستىقتى جانداندىرا تۇستىك. ءبىر جىلدان بەرى ءبىز بىرلەسە تابىستى دا تاباندى جۇمىس جاساي كەلە، بەرىك دوستىق قاتىناستى قالىپتاستىردىق. قىتاي ەلىنىڭ «ءبىر بەلدەۋ ءبىر جول» ستراتەگياسىنىڭ تەرەڭدەي تۇسۋىنە بايلانىستى، ەكى مەملەكەت اراسىنداعى جانە ەكى ەلدىڭ ب ا ق اراسىنداعى ىنتىماقتاستىقتىڭ نىعايا تۇسەتىنىنە كامىل سەنەمىن. وسى ورايدا، ءبىز سىزدەرمەن قارىم-قاتىناسىمىزدى جوعارى دەڭگەيگە جەتكىزىپ، ىنتىماقتاستىعىمىزدى ودان ءارى دامىتا تۇسۋگە، ەكى ەل حالقىنىڭ ءوزارا تۇسىنىستىگىن نىعايتا تۇسۋگە نيەتتىمىز.
«قازاقپارات» حالىقارالىق اقپارات اگەنتتىگىنىڭ بيىك بەلەستەردى باعىندىرا بەرۋىنە شىن جۇرەكتەن تىلەكتەسپىن!
گونكونگ «Wen Wei Po» گازەتىنڭ باس ديرەكتورى ۆان شۋ شەن
