استانادا اشۋلاناتىندار كوپ
مۇنداي ستاتيستيكانى استانا قالالىق تۇتىنۋشىلاردىڭ قۇقىعىن قورعاۋ جونىندەگى دەپارتامەنتىنىڭ باسشىسى نۇرلىبەك اسىلبەكوۆ جاريا ەتتى، - دەپ حابارلايدى Tengrinews.
ونىڭ مالىمەتىنە قاراعاندا، استانادا 2500 دەن اسا ساۋدا نىسانى جۇمىس ىستەيدى. جالعا بەرۋشىنىڭ ءجيى اۋىسىپ وتىرۋىنا بايلانىستى نىسانداردىڭ 40 پايىزى سانيتارلىق- ەپيدەميولوگيالىق رۇقساتسىز، قىزمەتىنىڭ اشىلۋىندا جانە قىزمەت كورسەتىپ جاتقانىندا سانيتارلىق ەرەجەلەر تالابىن بۇزىپ جۇمىس ىستەيدى.
«ساۋدا نىساندارىنا سانيتارلىق- ەپيدەمولوگيالىق ەرەجەلەر مەن تەحنيكالىق رەگلامەنتتەر تالابى، تۇتىنۋشىلاردىڭ قۇقىعىن قورعاۋ ماسەلەلەرى» سەمينارىندا اسىلبەكوۆ ساۋدا نىساندارىنىڭ باسشىلارىنا استانا تۇرعىندارىنىڭ ولاردىڭ ۇستىنەن تۇتىنۋشىلاردىڭ قۇقىعىن قورعاۋ جونىندەگى دەپارتامەنتكە تۇسىرەتىن نەگىزگى شاعىمداردى اتاپ ءوتتى.
«(...) ايىرباس پەن قايتارۋعا بايلانىستى كوپتەگەن ارىز ءتۇسىپ جاتىر. زاڭعا سايكەس، ەگەر ءونىم سايكەس كەلمەسە، اۋىستىرىپ بەرۋ كەرەك نەمەسە قايتارۋى كەرەك. (...) بيزنەس- پروتسەستى ۇيىمداستىرۋ ماسەلەلەرى - كەزەكتە تۇرۋ، ساۋداگەرلەردىڭ ءتارتىبى: ادەبى، دورەكىلىگى. مۇنداي شاعىم وتە كوپ. (...) مۇنى وزدەرىڭىز رەتتەيسىزدەر. ادام كوپ بولعاندا، كاسسانى كوبەيتۋ كەرەك. مۇنداي شاعىم وتە كوپ. ءتۇپتىڭ تۇبىندە ەگەر سىزدەر بيزنەستى، ساۋدانى ۇيىمداستىرىپ جاتساڭىزدار كەزەكسىز بولاتىنداي جۇمىس ىستەۋلەرىڭىز كەرەك»، - دەپ قورىتىندىلادى اسىلبەكوۆ ەلوردانىڭ كاسىپكەرلەرىنە قاراتا.
مۇنىمەن قاتار ول 2017 -جىلى استانادا EXPO كورمەسىنىڭ وتەتىنىن ايتتى جانە ونىڭ پىكىرىنشە، ساۋدا نىساندارىنىڭ پەرسونالىن وقىتۋ قاجەت.
«بىزدە EXPO-2017 وتەدى، سول ساۋدا نىساندارىنا كىرەتىن قوناقتار كەلەدى. سوندىقتان قىزمەت كورسەتۋ، ونىڭ ءتۇرى - وسى جاعداي. ەگەر پەرسونالدى وقىتۋ كەرەك بولسا، تالقىلاۋعا بولادى»، - دەدى تۇتىنۋشىلاردىڭ قۇقىعىن قورعاۋ دەپارتامەنتىنىڭ باسشىسى.
ايقىن- اقپارات
