قازان ايىندا «قازاقستان ارۋىمەن» كەشكى اس اۋكسيونعا شىعارىلادى
ول شارا بارىسىندا «قازاقستان ارۋى-2014» رەگينا ۆاندىشيەۆامەن كەشكى اس اۋكسيونعا شىعارىلادى، - دەپ حابارلايدى Tengrinews.kz ءتىلشىسى.
اۋكسيوننان تۇسكەن قارجى قازاقستانداعى بالالار الاڭقايىنىڭ قۇرىلىسىنا جۇمسالادى. قايىرىمدىلىق اۋكسيونىندا تاعى مىناداي لوتتار ۇسىنىلادى: وليمپيادا چەمپيونى الەكساندر ۆينوكۋروۆتىڭ قولتاڭباسى بار فۋتبولكا، «ميلان» كلۋبىنىڭ فۋتبولشىلارى كريستيان اببياتي مەن كەيسۋكە حوندانىڭ قولتاڭباسى بار دوپ پەن ءىرى ۇيالى بايلانىس وپەراتورلارىنىڭ «التىن نومەرلەرى».
«باۋىرجان» قورىنىڭ ديرەكتورى جۇلدىز وماربەكوۆانىڭ ايتۋىنشا، قازاقستاندا اۋكسيون ءجيى ۇيىمداستىرىلمايدى جانە قايىرىمدىلىق سالاسىنداعى بۇل سىيلىق سول شارانى ۇيىمداستىرۋعا جاقسى سەبەپ.
«الەمدە مۇنداي قايىرىمدىلىق اۋكسيوندارى جەتەرلىك. اتاقتى ارتىستەر، سپورتشىلار مەن ميلليونداعان ادامداردىڭ پىرىنە اينالعاندار وعان بەلسەندى تۇردە قاتىسادى، وزدەرىنىڭ جەكە، قۇندى زاتتارىن قۇربان ەتەدى نەمەسە ۋاقىتتارىن بولەدى، مىسالى، لوتتىڭ جەڭىمپازىمەن كەشكى اس ىشۋگە بارادى. سوندىقتان ءبىزدىڭ قايىرىمدىلىق اۋكتسيون بىرەگەي دەپ ەسەپتەيمىن»، - دەدى وماربەكوۆا.
ەسكە سالا كەتەيىك، «التىن جۇرەك» سىيلىعى وسىمەن توعىزىنشى رەت وتەدى. ۇيىمداستىرۋشىلار ەلىمىز بويىنشا قازاقستاندىقتاردىڭ قايىرىمدى ىستەرىن باقىلايدى. اتالىمدار بويىنشا لاۋرەاتتاردى تاۋەلسىز كەڭەس انىقتايدى، ونىڭ قۇرامىندا ب ا ق، ۇكىمەتتىك ەمەس جانە كوممەرتسيالىق ۇيىمداردىڭ وكىلدەرى، سونداي-اق، ساياساتكەرلەر، عىلىم مەن مادەنيەت قايراتكەرلەرى بار. ءار جىلدارى وپەرا ءانشىسى روزا باعلانوۆا، بيزنەسمەن- مەسەناتتار ايدىن راقىمبايەۆ، باۋىرجان وسپانوۆ، قوعام قايراتكەرى ارۋجان سايىن لاۋرەات اتاندى.
